Author: Ramachandran Arikkath

ഭാഗം 51

നാട്ടിൽ നിന്നു മടങ്ങുമ്പോൾ അമ്മമാരേയും കൂട്ടി ബോമ്പേക്ക് വരുവാൻ ഏട്ടൻ എന്നെ ഏല്പിച്ചിരുന്നു. കഥയില്ലായ്മയുടെ കഥയല്ലേ ആ തീരുമാനമെന്ന് പലർക്കും തോന്നി. ” അമ്മമാരെ രണ്ടു പേരെയും കൂട്ടി എനിക്കൊറ്റക്ക് ഏങ്ങിനെ പോകാൻ പറ്റുമെന്ന് സംശയം. തീ വണ്ടീല് കേറ്യാ നിർത്തിയിട്ട സ്റ്റേഷനുകളിൽ ഇങ്ങാതിരിക്ക്യാ.

V. T സ്റ്റേഷനിൽ എത്തുന്നതിനു മുമ്പു് പെട്ടിയും മറ്റും ഒരു ഭാഗത്ത് വെക്കുക. ഒരു പേടീം വേണ്ട. അതൊക്കെ ശീലാവണ്ടെ .ഏട്ടൻ നല്ല ധൈര്യം തന്നു.അങ്ങിനെ ഏപ്രിൽ ടിക്കറ്റെടുത്തു;ഷൊറണൂരിൽ നിന്നാണ്‌ വണ്ടി. വണ്ടി കയറ്റാൻ അച്ഛൻ കപ്ലിങ്ങാട്ടെ നാരായണേട്ടനെ ഏല്പിച്ചു. പട്ടാമ്പിയിലെ ഹാജിയുടെ കാറിലാണ് യാത്ര. അമ്മമാരും, ഞാനും എസ്റ്റേറ്റിലേക്കു നടന്നു. കാർ അവിടെ വന്നു നിൽപ്പുണ്ട്, ഷൊർണൂർ റെയിൽവെ സ്റ്റേഷനിൽ നാരായണേട്ടനും, ശാസ്ത്ര ശർ മേട്ടനും കാത്തു നിന്നിരുന്നു. രാത്രിയിലെ ഭക്ഷണം കഴിച്ചാണു പോയത്.ഷൊർണർ സ്റ്റേഷനിൽ നിന്ന് നാരണേട്ടൻ ചായയും ബിസക്കറ്റും വാങ്ങിത്തന്നു.

എതിർ സീറ്റിൽ മലയാളം അറിയാത്ത ഒരു ഭാര്യയും ഭർത്താവും. പേടി തോന്നിക്കുന്ന മുഖഛായയള്ള ഒരാളും. അമ്മ താഴെ യും ,വലിയ അമ്മയും ഞാനും മുകളിലെ ബർത്തിലും. കൊമ്പൻ മീശക്കാരൻ മുകളിലെ ബർത്തിൽ ആണ്. രാവിലെ പല്ലതേപ്പെല്ലാം കഴിഞ്ഞ് ഇഡ്ഡലി, വട, ചായ, – കഴിച്ചു. മീശക്കാരൻ ആരോടും ഒന്നും മിണ്ടുന്നില്ല. ഒരു ദിവസം കഴിഞ്ഞപ്പോഴാണ് അയാൾ ഊമയല്ലെന്ന മനസിലായത്.” ബോമ്പേ ക്ക് ആദ്യായിട്ടാ പോണല്ലേ” ?എന്നോട് ചോദിച്ചു. ഹാവൂ സമാധാനമായി.VT സ്റ്റേഷൻ എത്താറായോ എന്ന ചോദിക്കാൻ ഒരാളായീലോ. ഞാൻ പതിഞ്ഞ സ്വരത്തിൽ “VT സ്റ്റേഷൻ എത്താറായ്യാ ഒന്നു പറഞ്ഞു തരണട്ടൊ ” എന്ത്, എന്ത് എന്ന് ദേഷ്യപ്പെടുന്ന ഭാവത്തിൽ അയാൾ ചോദിച്ചു. വലിയ അമ്മ ഉറക്കെ പറഞ്ഞു “ബോമ്പെ ലെത്ത്യാ പറയണന്ന്. അതയാൾക്കു മനസ്സിലായി. ഒരു ദിവസം കൂടി കഴിയണം. അയാൾ പറഞ്ഞു ബോമ്പേ ലെ വടാ- ചെമ്പൂരു.എറങ്ങണത് V Tയിൽ. ഞാനും അവിടത്തന്ന്യാ ണ്. ചെകിടു പൊട്ടനായതിനാൽ പിന്നെ അധികം സംസാരമുണ്ടായില്ല: അതിനിടയിൽ ഇരക്കാൻ നടക്കുന്ന രണ്ടു മൂന്നു പേർ ഞങ്ങളുടെ കംപാർട്ട്മെൻ്റിൽ കയറി. ഓരോരുത്തരായി പൈസ കൊടുക്കുന്നുണ്ട്. ഞാൻ ഉറക്കം നടിച്ചിരുന്നു. എന്നെ തോളിൽത്തട്ടി ഉണർന്നി. ഞാൻ കൊമ്പൻ മീശക്കാരൻ്റെ മുഖത്തു നോക്കി. 10 രൂപ കൊടുത്തോളാൻ ആംഗ്യം കാട്ടി. ഹിജടകളാണത്രെ. പൈസ കൊടുത്തില്ലെങ്കിൽ ഉപദ്രവിക്കും. അങ്ങിനെ V Tയിലെത്തി.

ഞങ്ങൾ സീററിൽ തന്നെ ഇരുന്നു. ഏട്ടൻ വന്നു ഞങ്ങളെ കൂട്ടി ടാക്സിയിൽ കയറ്റി നേരെ ചെമ്പൂർക്ക് തിരിച്ചു. കൃഷ്ണ നിവാസിലെത്തി കുളി കഴിഞ്ഞ് ഭക്ഷണം. അന്നു തന്നെ ചെമ്പൂർ പാർക്ക്. പിന്നെ എല്ലാ ദിവസവും ‘യാത്ര തന്നെ. കൊളാബ മാർക്കറ്റിൽ പച്ചക്കറി വാങ്ങാൻ ഏട്ടൻ്റെ കൂടെ പോയി. മൂന്നോ നാലോ സഞ്ചി ഫുൾ പച്ചക്കറിയുണ്ടാകും. എല്ലാം ഒറ്റക്കേറ്റിനടന്നു് ബസ്സിൽ കയറി വീണ്ടും കൃഷ്ണനി വാസിലേക്ക്. മറ്റുള്ളവരുടെ മനസ്സു് റീഡ് ചെയ്യാൻ പ്രത്യേക കഴിവുണ്ട് ഏട്ടന്. ശരിയല്ലെന്ന് തോന്നിയാൽ ആതയാല്ലം പറയാനും, ശാസിക്കാനും മടി കാണിക്കാത്ത ആൾ’ അവിടത്തെ താമസകാലത്ത് ഏട്ടൻ്റെ വ്യക്തിത്വം കൂടുതൽ അറിയാൻ കഴിഞ്ഞു. ഏട്ടൻ ഒരു സംഭവം തന്നെയാണ്. ഒരു മിനിറ്റു പോലും വെറുതെ ഇരിക്കുന്നതായി കണ്ടില്ല. വിശ്രമമില്ലാതെ എന്തെങ്കിലും പണികൾ .

ഭാഗം 50

കടലാസുതോണിയെ കുറിച്ചെഴുതിയപ്പോഴാണ് കൃഷ്ണപ്പൻ്റെ വേളി ഓർമയിൽ വന്നത്‌.എളേടത്തു നിന്നാണ്, അവിടെ വെച്ചാണ് വേളി , വലിയ മുത്തശ്ശിയാണ് വിവാഹ പാർട്ടിയിലെ കാരണവർ. റോഡുവഴി എത്താവുന്ന സ്ഥലം വരെ പോയി, തുടർന്നുള്ള യാത്ര ചങ്ങാടത്തിൽ.വിവാഹം കഴിഞ്ഞ് കുടിവെപ്പ് നാരണപ്പൻ്റെ അവിടത്തന്നെയായിരുന്നു. അവരവിടെ താമസമാക്കിയതിനു ശേഷമുള്ള ആദ്യത്തെ കുടിവെച്ചു കുടിവെപ്പ് അവിടെ നടത്തിയാലും ഇല്ലത്തെ നടുമുറ്റത്ത് വന്നു് വീണ്ടും കുടിവെപ്പു ചടങ്ങു ഉണ്ടായി.അരിക്കത്ത് ഭാഗം കഴിഞ്ഞു് വേറെ വേറെ താമസമാണെങ്കിലും ഒരു വേളി കഴിഞ്ഞാൽ ഇല്ലത്തെ നടുമുറ്റത്തും കുടിവെപ്പ് ചടങ്ങ് നടത്തി വരാറുണ്ട്.”കൃഷ്ണൻ തമ്പ്രാൻ കല്യാണം കയിഞ്ഞാലും സ്വഭാവത്തിന് ഒരു മാറ്റോം വന്നിട്ടില്ല ” മുഖസ്തുതിപാഠകരുടെ കമൻ്റാണത്. കുട്ടികളുടെ കൂടെ വോളിബാൾ കളിക്കുന്നതും, രാത്രി ക്ലാസിൽ പോയി ക്ലാസെടുക്കുന്നതും, ആരെ കണ്ടാലും ചായ വാങ്ങി കൊടുക്കുന്നതും ജാഥ ക്ക് പോകുന്നതും, പൈസ കടം കൊടുക്കുന്നതുമൊക്കെ അതിൻ്റെ തെളിവാണു പോലും, ഹൈസ്കൂളിൽ പഠിക്കുന്ന സമയത്ത് തൃത്താല സെൻ്ററിൽ വെച്ചു എന്നെ കണ്ടപ്പോൾ -: ഏടോ, എവടയ്ക്കാ എന്നൊരു ചോദ്യം എന്നോട്.ഞാൻ മൊടവന്നു ർ ക്കാ .ഞാനൂണ്ട്. ഒപ്പം പുവ്വാം “വാ ടോ ഒരു ചായ കുടിക്കാം” ലിബർട്ടി ഹോട്ടലിൽ കയറി പൊറാട്ടീം, ചായീം വാങ്ങിത്തന്നു. ആദ്യമായാണ് പൊറാട്ടതിന്നുന്നത്. അന്ന് ആറാം ക്ലാസിലാണു ഞാൻ. ഹോട്ടലിൽ നിന്നു പുറത്തു കടന്നതും കടം ചോദിക്കാനായി മണിയൻ നായർ പിന്നാലെ കൂടിയതും ഒപ്പമായിരുന്നു.10 രൂപ കൊടുത്ത് ഒഴിവാക്കി. എൻ്റെ മുഖത്തു നോക്കി രണ്ടു കണ്ണും ചിമ്മിത്തുറന്നു.”അതൊന്നും സാരല്ല്യടോ. മുടവന്നൂർ ചീനിപ്പാറ കേറ്റമെത്തിയപ്പോഴേക്കും നാരണപ്പൻ ഒപ്പമെത്തി. തൃത്താല പഞ്ചായത്ത് മെമ്പറുമാണ്. മീറ്റിംഗ് കഴിഞ്ഞുവരികയാണ്. യാത്രയിൽ രണ്ടു പേരും മുടവന്നൂരിലേക്ക് ഒരു റോഡ് വെട്ടേണ്ട കാര്യങ്ങൾ സംസാരിച്ചു.നാരണ പ്പൻ്റെ കൂടെ നടന്നാലെ ത്തില്ല സ്വീഡു ഭയങ്കരം. അച്ഛനും അങ്ങിനെ തന്നെ – “നാളെ ഉച്ചയ്ക്കു ഊണു കഴിഞ്ഞാൽ പട്ടാമ്പി ക്ക് സിനിമക്ക് പോണുണ്ടു്. ഉണ്ടെങ്കിൽ പോരാം.” എന്നോടായിട്ടാണ് പറഞ്ഞത്. പിറ്റേന്ന് ഉച്ചയ്ക്കു് നാരണ പ്പൻ്റെ അവിടത്തെ കുട്ടികളുടെ ക്രടെ ഞങ്ങളീം കൂട്ടി. മിനർ വ ടാക്കീസിലാണ് സിനിമ. റബേക്ക സിനിമയാണെന്നാണോർമ. പഞ്ചായത്തു മെമ്പറായതിനാൽ സൗജന്യ പാസ്സുണ്ട്. അങ്ങിനെയൊരു കാലം

ഭാഗം 49

ഇന്ന് വെള്ളിയാഴ്ച.മഴയുടെ തിരുവാതിര ഞാറ്റുവേലയിലേക്കുള്ള മാറ്റം: രാവിലെ തന്നെ ഇരുട്ടടച്ചിട്ടാണ് മഴയുടെ വരവു്. തുലാവർഷമല്ലാത്തതിനാൽ ഇടിക്ക് ശബ്ദം കുറവാണ്. എത്ര ശക്തിയായ മഴയായാലും സ്കൂളിന് മുടക്കമൊന്നുമില്ല. നല്ല മഴയത്ത് സ്കൂളിൽ പോകാൻ ഞങ്ങൾക്കും ഇഷ്ടമാണ്. ചെറിയ ക്ലാസുകളിലായതിനാൽ പട്ടക്കുട ചൂടിയാണ് യാത്ര. പറയൻ ചേന്നൻ ഉണ്ടാക്കിയ കുടകളാണ്.കുടയുടെ മുകളിൽ മഴത്തുള്ളി പതിക്കുന്ന ശബ്ദം വർത്തമാനം പറഞ്ഞു നടക്കൂന്നതിനു് വിഘാതമായി. എന്തായാലും പരിക്കുകളൊന്നും കൂടാതെ സ്കൂളിലെത്തി. ” ബുദ്ധിമുട്ടൊന്നും കുടാതെ പോയി വരാൻ പറ്റണേ എന്ന അമ്മമാരുടെ പ്രാർത്ഥന ഒന്നു മാത്രമേ രക്ഷക്കായി കൂടെ ഉണ്ടായിരുന്നത്. ഇന്നാണെങ്കിൽ മിനിറ്റിനു, മിനിറ്റിനു ഫോൺ സൗകര്യമുണ്ടല്ലോ.സ്കൂളിൽ നിന്ന് തിരിച്ചു പോരുമ്പോൾ മഴയ്ക്കു് നേരിയ ശമനം, ഇല്ലത്തെത്താൻ ധൃതിയായി.കാപ്പി കുടി കഴിഞ്ഞിട്ട് വേണം കടലാസു് തോണിയുണ്ടാക്കാൻ, എനി രണ്ടു ദിവസം ഒഴിവുമാണല്ലോ. തോർത്ത് കൈയ്യിൽ പിടിച്ച് അമ്മ കാത്തു നിൽക്കുന്നു.” ഈറൻ കുപ്പായും, ട്രാസറും മാറ്റി തല തോർത്തട്ടെ” ന്നട്ട് മതി കാപ്പി കുടിയ്ക്കല് ” സ്ഥിരം ഇല്ലത്തു നിന്ന് ഇടാറുള്ള നരച്ച ട്രൗസർ ഇട്ട് കാപ്പി കുടി കഴിഞ്ഞ് നമ്മട പണി ആരംഭിച്ചു.ഓരോരുത്തരും വേറെ വേറെ തോണികൾ ഉണ്ടാക്കി. തെക്കുഭാഗത്തുള്ള ഒട്ടു മാവിൻ്റെ കിഴക്കുഭാഗത്ത് നിന്ന് പൊട്ടി വരുന്ന ഉറവ് വെള്ളം കുപ്പയുടെ പുറത്തു കൂടി ഒഴുകി പു മുഖത്തിൻ്റെ മുന്നിലൂടെ യാണ് പോകുന്നത്. അത് കുറയിൽ ചെന്നവസാനിക്കും. തെക്കെ കോലായ യുടെ താഴെ വെള്ളം ഒഴുകി പോകുന്ന ഭാഗമാണു് സ്റ്റാർട്ടിംഗ് പോയൻ്റ് ഓരോരുത്തരുടെയും തോണിയുടെ നിറം വ്യത്യസ്ഥ ങ്ങളാകും. തടസ്സമൊന്നും കൂടാതെ കുറയിലെത്തണം. ചില തോണി കളിൽ യാത്രക്കാരായി കട്ടുറുമ്പിനെയും .കുമ്പളക്കൊറ്റനെയും കയറ്റാറുണ്ട്. ഉറവു വെള്ളം കഷ്ടിയാണെന്നു തോന്നിയാൽ പത്തായപ്പുരയുടെ തെക്കുവശത്തു നിന്നും പൊന്തിവരുന്ന ഉറവു വെള്ളത്തെ കൈക്കോട്ട് കൊണ്ട് ചാലുണ്ടാക്കി ഉമ്മറത്തു കൂടി പോകുന്നതിലേക്ക് തിരിച്ചുവിടാറുണ്ട്.”മി ററം കിളച്ച് ചാലാക്കിയാൽ ശങ്കരേശൻ ദ്വേഷ്യപ്പെടും. തൽക്കാലം തോണിക്കൊഴുകാൻ വേണ്ട വെള്ളം ഇതിൽ തന്നെ ഉണ്ടായിരുന്നു – പക്ഷേ കൂളക പ്ലാവിൻ്റെ ഒരു തടിയൻ വേര് തൊട്ടിയുടെ കോലായവരെ വിലങ്ങനെ മണ്ണിനു മുകളിൽ ഒഴുകി പോകുന്ന തോണിക്ക് തടസ്സമായി. പത്തായപ്പുരയിൽ നിന്നും കോടാലി എടുത്തു കൊണ്ട് വന്ന് വേര് കുറെ ഭാഗം വെട്ടിമാറ്റി വഴി സുഗമമാക്കി.തോണി കൾ ഒന്നൊന്നായി സഞ്ചാരം തുടങ്ങി.ഏറെക്കുറെ തോണികളും കുറയിലേക്കാഴ്ന്നു പോയി. ” അതുവഴി വന്ന ശങ്കരേശന് ദേഷ്യം വന്നു.” ആവേരൊക്കെ കൊത്തിക്കളഞ്ഞിട്ടിപ്പെന്താണ്ടാ യേ “മണ്ണു മുഴുവനും കുത്തി ഒലിച്ചുപോയാ പിന്നെ മിറ്റ ണ്ടാ വ്യോ ?- കോടാലി ടെ ചിറീം കേടുവരുത്തി. അച്ഛൻ വന്നാത്പറഞ്ഞു കൊടുക്കും. ഞങ്ങൾക്കും പേട്യാ യി. ഞങ്ങൾ വലിയ അമ്മയോട് പറഞ്ഞു കൊടുത്തു.” – ശങ്കരാ എന്തിനാ കുട്ട്യോളെ ദേഷ്യപ്പെട്ട്. അവര് കളിക്യല്ലേ.” ഇല്ല്യാ അട്യേൻ ദേഷ്യപ്പെട്ട ട്ടൊന്നൂല്ല്യ, ഞ്യങ്ങനെ ണ്ടാവില്ല. ഊം നാ ശരി. അച്ഛനോട് പറഞ്ഞില്ല. വലിയ അമ്മയെ ശങ്കരേശനും പേടി തന്നെയാണ്.

നടുമിറ്റത്തും വെള്ളം കെട്ടി നിൽക്കാറുണ്ടു്. അവിടെ കടലാസുതോണി കളിട്ടാൽ ഒഴുകി നടക്കില്ല. അതു വഴി വന്ന ചെറിയേട്ടൻ ഒരു തോണിയുടെ അടിയിൽ അററത്തായി എന്തോ ഒട്ടിച്ച് വെള്ളത്തിലേക്കിട്ടു.ദേണ്ടേതോണി സാവധാനം എതിർദിശയിലേക്ക് ഒഴുകി ഒഴുകി പോകുന്നു.

ഭാഗം 48

കൊട എടുക്ക്വാണേ നല്ലത് – വലിയ അമ്മ ഞങ്ങളോടായി പറഞ്ഞു. “ഇപ്പ മഴ ഇല്ല. ന്നാലും ഒരു കൊട എടുത്തോ.സ്ക്കൂളിൽ കൊണ്ടുവരുന്ന അമേരിക്കൻ പാൽപൊടി കവറിനുള്ളിൽ പുസ്തകങ്ങൾ തിരുകി കറുത്ത റബ്ബറിട്ടുമുറുക്കി.” ശ്രദ്ധിക്കണേനല്ല ഉര് സല്ണ്ടാവും” പറയൻ കോളനി കഴിഞ്ഞാൽ വീതി കുറഞ്ഞ പാടവരമ്പാണു്. വരമ്പുപണി കഴിഞ്ഞിട്ടേയുള്ളൂ. ഉണങ്ങിയിട്ടില്ല. നടക്കുമ്പോൾ കാലുതാന്നുപോകും.’ വരമ്പു വഴിയുള്ള നടത്തം വലിയ ഒരു പാറക്കൂട്ടം വരെയുണ്ട്. ആ പാറക്കുട്ടത്തിൻ്റെ ഇടയിലൂടെ നടന്ന് അപ്പുറത്തേക്കു കയറണം. മഴവെള്ളം കുത്തിയൊലിച്ചു വരുന്നത് പാറക്കൂട്ടത്തിനിടയിലൂടെയാണ്, ഒഴുക്കിൽ പെട്ടാൽ നേരെ ഭാരതപ്പുഴയിലെത്തും.ദാ ഷാരോടി മാസ്റ്റർ റെഡിയായി നിൽപ്പുണ്ട്. ഓരോരുത്തരെയായി എട്ത്ത് വെക്കുന്നു – സ്കൂളിൽ നിന്ന് മടങ്ങുമ്പോഴും എല്ലാ കുട്ടികളെയും ഷാരോടി മാഷ് ശ്രദ്ധിക്കാറുണ്ട് iമഴവെള്ളം ചവിട്ടിത്തെറിപ്പിച്ച ഷർട്ടും ട്രൗസറും നനഞ്ഞിട്ടുണ്ടാകും.പൂമുഖത്തേക്ക് കയറുമ്പോൾ ചാണക നാറ്റം.ചാത്തപ്പനും, ഏയ് ശനും കൂടി വിത്തുനനവെക്കാനുള്ള പുറപ്പാടാണ്. വാഴപ്പിണ്ടി മേൽക്കുമേൽ അടക്കി കുറ്റിയടിച്ച് ഉറപ്പിക്കയാണ്. തെക്കെ കോലായ യുടെ താഴെ. കാതൻ ചെമ്പിൽ ചാണകം കലക്കി വെച്ചിട്ടുണ്ട്. പത്തായപ്പുരയിലെ വലിയ മഞ്ചയിൽ സൂക്ഷിച്ചിട്ടുള്ള നെൽവിത്ത് ചെമ്പിലിട്ടതിനു ശേഷം വാഴപ്പിണ്ടി കൊണ്ടുണ്ടാക്കിയ തടത്തിലേക്ക് പരത്തിയിടണം, അതിനു മീതെ ഇലവെച്ചുമൂടി രണ്ടു – ദിവസം കഴിഞ്ഞ് പുറത്തെടുത്ത് കോലായിൽ പരത്തും, വിത്തിന് മുള പൊട്ടിയിട്ടുണ്ടാകും വട്ടിയിലാക്കി പാടത്തു കൊണ്ടുപോയി വിതയ്ക്കും. ചാത്തപ്പൻ വിതച്ചാൽ നല്ല ഞാറുണ്ടാകും, ഈ പണികളെല്ലാം ചെറുപ്രായത്തിൽ കാണാനുള്ള ഭാഗ്യം ഞങ്ങൾക്കുണ്ടായി.
വീണ്ടും അങ്ങിനെയൊരു കാലഘട്ടം വരികയാണോ?

ഭാഗം 47

നെല്ലുഗവേഷണ കേന്ദ്രത്തിൽ ജോലി ചെയ്തിരുന്ന കാലത്ത് വല്യപ്പൻ പട്ടാമ്പിയിൽ വാടക വീട്ടിലാണ് താമസിച്ചരുന്നത്.നടന്നു പോകുന്നതാണു് വലിയ പ്ഫന് സ്വതവേ ഇഷ്ടം, ചിലപ്പോൾ സൈക്കിളിൽ പോയി വരാറുണ്ട്. ഒരു ദിവസം ഞങ്ങളെ പട്ടാമ്പിയിലേക്ക് ക്ഷണിച്ചു. സീതോപ്പോള ടെ പിറന്നാളായിരുന്നു. ഊണു കഴിഞ്ഞ് ഏതാണ്ട് രണ്ടു മണിയായിട്ടുണ്ടാകും – ഒരു കാളവണ്ടി പടിക്കൽ വന്നു നിന്നു. കള്ളിമുണ്ടും, ബനിയനും ധരിച്ച ഒരാൾ വന്ന് എല്ലാരിം കൂട്ടിക്കൊണ്ട രാൻ തിരുമേനി പറഞ്ഞിട്ട് വന്നതാണെന്ന പറഞ്ഞു. ഞങ്ങളെയെല്ലാം കാളവണ്ടിയിൽ കയറ്റി. ചില ശബ്ദങ്ങൾ പുറപ്പെടുവിച്ചുകൊണ്ട് ചാട്ടവാർ കൊണ്ട് അയാൾ കാളകളെ ഇടക്കിടക്ക് അടിച്ചു കൊണ്ടേയിരുന്നു. വലിയ ഗേറ്റിനടുത്ത് കാളവണ്ടി നിർത്തി.പാറാവുകാരൻ വന്ന് ” നമ്പൂരി സാറിൻ്റെ ആൾക്കാരാല്ലേ” എന്നു പറഞ്ഞ് ഗേറ്റ് തുറന്നു. നെൽവിത്തും. മാവ്, പ്ലാവു്, തെങ്ങ്, കവുങ്ങ് തുടങ്ങിയവയുടെ തൈകൾ വാങ്ങാൻ ആളുകൾ ധാരാളമവിടെ വന്നു പോകുന്നുണ്ട്. കുറച്ചു ദൂരം പോയപ്പോൾ വലിയ പ്ഫൻ്റെ ഓഫീസിലെത്തി. ഞങ്ങളെ എല്ലാ ഭാഗത്തും കൊണ്ടുപോയി കാണിക്കാൻ ഒരാളെ ഏർപ്പാടാക്കി’ – കാക്കി ട്രൗസറും, വെള്ള ബനിയനുംധരിച്ച ആൾ’ എല്ലാം വിവരിച്ചതന്നു.വൈവിദ്ധ്യങ്ങളായ നെൽവിത്തുകൾ കൊണ്ട് കൃഷി ചെയ്തപ്ലോട്ടുകൾ, വാഴ, മാവു് പ്ലാവു് നെല്ലി, തെങ്ങ് തുടങ്ങി നാട്ടിലെ എല്ലാ കൃഷിരീതികളും ആ നൂറേക്കർ സ്ഥലത്ത് നടക്കുന്നു. അതുപോലെ മൃഗസംരക്ഷണം. വിവിധയിനം പശുക്കൾ, പോത്ത് എരുമ, വിത്തുകാള ഇവയെ പാർപ്പിക്കുന്ന തൊഴുത്തുകൾ കോഴി വളർത്തൽ, ആടുവളർത്തൽ ഫാമുകൾ എല്ലാ ഭാഗവും ചുറ്റി നടന്നു ‘മടങ്ങുന്നതിനു മുമ്പു് എല്ലാവർക്കും ഓരോ ഗ്ലാസു് പശുവിൻ പാൽ കിട്ടി’, നമ്പൂരി സാർ ആസ്ഥാപനത്തിൻ്റെ ജീവനാണെന്ന് അവിടെ ചെന്നപ്പോളുണ്ടായ അനുഭവം ഞങ്ങളെ ബോദ്ധ്യപ്പെടുത്തി.ഇതിനിടയിൽ വലിയപ്പൻ ഞാങ്ങാട്ടിരിയിൽ വീടോടുകൂടിയ ഒരു സ്ഥലം വാങ്ങി ‘വീടു കഴിഞ്ഞാൽ പിൻഭാഗത്തേക്ക് 3 ഏക്കറോളം പറമ്പാണ്‌.” കണ്ണനൂർ പാടം വലിയ പ്ഫൻ്റെ ഭാഗത്തിൽ പെട്ട സ്ഥലമാണ്. മൂന്നു വിളകൃഷിയിറക്കുന്ന പാടം, കൊയ്ത്തു കഴിഞ്ഞ് കറ്റ കെട്ടി ഞാങ്ങാട്ടിരിയിൽ എത്തിച്ചാൽ മതി. മെതിക്കാനും, ഉണക്കാനും കുണ്ട തീർക്കാനും വളരെ സൗകര്യം’ “കറ്റ യേ ററി മൊടനുരുകുന്നു കേറണ്ട ലോ” പണിക്കാർക്കാശ്വാസമായി. ഇല്ലത്തെ സ്ഥിരം പണിക്കാരിൽ നിന്ന് കോതയേയും, കോച്ചിയേയും വല്യപ്പൻ എടുത്തു. പാടത്തു പണിക്കും, കൊയ്ത്ത്, മെതി സമയത്തും എല്ലാ പണിക്കാരും സഹായിക്കും. എന്തു ബുദ്ധിമുട്ടുകൾ ഉണ്ടായാലും കുട്ടികളൂടെ വിദ്യാഭ്യാസ വിഷയത്തിൽ അച്ഛൻ്റെ മാതൃക തന്നെ വലിയപ്പനും സ്വീകരിച്ചു..

ഭാഗം 46

മാധപ്പൻ പാലക്കാടാണ് താമസമെങ്കിലും മാസത്തിൽ രണ്ടു ഞായറാഴ്ചകളിലെങ്കിലും ഇല്ലത്ത് വന്നു പോകും.രാവിലെ നേരത്തെ വന്നാൽ ഉച്ചക്ക് ഊണു കഴിഞ്ഞ് രണ്ടു മണിക്കു കൂട്ടുപാതയിലെത്തുന്ന ഗുരുവായൂർ-പാലക്കാട് ആന ബസ്സിലാണ് പോകാറ്. നമ്മുടെ പാടത്ത് വെച്ച് നടത്താറുള്ള കന്ന് പൂട്ടു മത്സരം ഇവിടെ വന്ന ദിവസമായിരുന്നു. ശങ്കരേശൻ്റെ ക്രടെയാണു് ഞങ്ങൾ പോകാറുള്ളത്. ഇത്തവണ മാധപ്പൻ ഞങ്ങളെ കൊണ്ടുപോയി. മത്സരത്തിനായി പത്തു ജോഡികന്നുകൾ എത്തിയിട്ടുണ്ട്.കൃഷ്ണപ്പനാണ് റഫറി. ഇല്ലത്തെ കാരിയും, ചെമ്പനും മത്സരത്തിന് ണ്ട്, വയനാടൻ കരിക്കയാണ് കോലരത്തിൻ്റെ മുകളിൽ നിൽക്കുന്നത്. തെളിക്കാൻ ചാത്തമുളയനും. പക്ഷേ അന്നത്തെ മത്സരത്തിൽ രണ്ടാം സ്ഥാനമേ ലഭിച്ചുള്ളൂ” മേഴത്തുരുള്ള രാമൻ നായരുടെ കന്നാണു് ഫസ്റ്റ് അടിച്ചത്.” വയനാടൻ മാധപ്പനോടായി പറഞ്ഞ – തമ്പ്രാന്നേ പാലക്കാട്ടൊക്കെ കന്നിനു പകരം കുതരടെ ഓട്ടണ്ടാ വ്യല്ലേ.”ങാ. അടുത്ത തവണ വരുമ്പൊ നിങ്ങളെ പാലക്കാട് കാണിച്ചു തരാമെന്നു പറഞ്ഞാണു് മാധപ്പൻ മടങ്ങിയത്.

പറഞ്ഞ പോലെ പിറ്റത്തെ വെള്ളിയാഴ്ച വന്നു് ഞങ്ങളെ കൊണ്ടുപോയി. അങ്ങോട്ടു തീവണ്ടിയിലാണു പോയത്.പാലക്കാട്ടെത്തിയപ്പോൾ കനത്ത മഴ, ഇടിയും. ഞങ്ങൾ വണ്ടിയിറങ്ങി പുറത്തിറങ്ങിയപ്പോൾ കുതിരവണ്ടിക്കാരൻ വന്നു. മാധപ്പൻ്റെ സ്റ്റുഡണ്ടിൻ്റെ അച്ഛനാണ്.അങ്ങിനെ ആദ്യമായി കുതിരവണ്ടിയിൽ കയറി വീട്ടലെത്തി, ചായ കുടി കഴിഞ്ഞ് സിനിമ,- ടെൻ കമാൻ്റ്മെൻസ്;പിറ്റേന്ന് മലമ്പുഴ. സ്റ്റാൻ്റിൽ നിന്ന് 10 മിനിറ്റൂ കൂ ടുമ്പൊ ബസ്സുണ്ട്. ഇവിടുത്തെ പോലെയല്ല. നല്ല ഭംഗിയുള്ള ബസ്സുകൾ കർട്ടനു പകരം ചില്ലാണ്. കാഴ്ചകൾ കണ്ട് യാത്ര ചെയ്യാം. മലമ്പുഴയിലെത്തി, ഭയങ്കര തിരക്ക്. എല്ലാ ഭാഗത്തും ചുറ്റി നടന്നു. ഊഞ്ഞാലിൽ ആടിയതും, കോണി കയറി പോയി താഴത്തേക്ക് ഊർന്നിറങ്ങിയതും – ഒക്കെ രസമുള്ള കാര്യങ്ങളായിരുന്നു. “എന്താ നടന്ന് ക്ഷീണിച്ചോ ” ചെറ്യേമയുടെ ചോദ്യം. ഇല്ല്യ. ദാഹിക്ക്ണ് ണ്ട്. കൊർച്ചങ്കട് പോയാ ഒരു രസം കാണിച്ചു തരാം.ദാ ഹൊക്കെ അവ് ട്ന്ന് മാറ്റാം-മാധപ്പൻ പറഞ്ഞു. ഒരു ബൊമ്മനിൽക്കുന്നുണ്ടവിടെ മുമ്പിൽ ഒരു പലക, ആ പല ക യിൽ ബലമായി ചവിട്ടിയാൽ ബൊമ്മ യുടെ കൈയിലെ പാത്രത്തിൽ നിന്നു വെള്ളം ചാടും. അതു കുടിച്ചു ദാഹം മാറ്റി. തിരിച്ചു വീട്ടിലേക്കു തന്നെ. രാവിലെ നേരത്തെ ഗുരുവായൂർക്ക് പോകുന്ന ആന ബസ്സിൽ മടക്കം. മലമ്പുഴക്കു പോയതും, കുതിരവണ്ടിയിൽ കയറിയതും അന്നത്തെ കാലം നോക്കുമ്പോൾ ഒരു മഹാഭാഗ്യം തന്നെയായിരുന്നു

ഭാഗം 45

ഞങ്ങളെല്ലാവരും രാത്രി ഊണുകഴിക്കുന്നത് ഏതാണ്ട് ഏഴര മണിയോടു കൂടിയാണ്.അച്ഛൻ സ്കൂളിൽ നിന്ന് വൈകിയെത്തി കുളി കൂടി കഴിഞ്ഞ് ഊണുകഴിക്കാൻ ഏതാണ്ട് ഒമ്പതു മണിയാകും;അതു കഴിഞ്ഞു അമ്മമാർ.ഏറ്റവും അവസാനം ഇരിക്കണമ്മ, ഞങ്ങൾക്കെല്ലാം ഊണുകഴിക്കാൻ കവി ടി പിഞ്ഞാണങ്ങൾ വേറെ വേറെയുണ്ട്. വെള്ളം കുടിക്കാൻ ഓട്ടു ഗ്ലാസും. ചില പിഞ്ഞാണങ്ങളുടെ ഉൾഭാഗം ചുവന്നും, കുത്തും ഡിസൈനുകളാൽ രൂപഭേദം വന്നിട്ടുണ്ട്, ഓട്ടു ഗ്ലാസുകളിൽ നാഴി വെള്ളം വീതം കൊള്ളും. എല്ലാ മാസവും അമ്പലത്തിൽ തൊഴുതു മടങ്ങുന്ന കൃഷ്ണക്കുരത്തിന് രണ്ടു ഗ്ലാസ്സു് ചായയും ,പപ്പടം ചുട്ടത് 6 എണ്ണവും നിർബ്ബന്ധമാണ്. ഇല്ലത്ത് വന്ന് കുളിച്ചു പോകുമ്പോൾ അദ്ദേഹത്തിനുള്ള ചായയും പപ്പടവും അടുക്കളയിൽ റെഡിയായിട്ടുണ്ടാകും. ചായ വലിയ ലോട്ടയിലാക്കി ഓടു ഗ്ലാസ് മുകളിൽ കമഴ്ത്തിവെച്ചു ഇടനാഴിയിൽ വലിയ അമ്മ കൊണ്ടു ചെയ്യും – വാതിൽ പാളിയിലൂടെ ഞങ്ങൾ ചായ കുടിക്കുന്നത് നോക്കി നിൽക്കും.
ഒരു കൊല്ലം പരമേശ്വരപ്പൻ ബോമ്പായിൽ നിന്നും വന്നപ്പോൾ വലിയ ഒരു പെട്ടി ഏറ്റിരൂടെ ഒരാളും വന്നു. പട്ടാമ്പി റെയിൽ വെ സ്റ്റേഷനിലെ പോർട്ടറാണ് പട്ടാമ്പിയിൽ നിന്നും പുഴ കടന്ന് വരികയാണ്. വേറെ മാർഗ്ഗമൊന്നുമില്ലല്ലോ – സാധനങ്ങൾ പൂമുഖത്തു വെച്ച് ഏറ്റു കൂലിയും വാങ്ങി അയാൾ പോയി. പരമേശ്വരപ്പൻ പേൻ്റും ഷർട്ടും പുറത്തളത്തിൽ ഊരിവെച്ച് കുളത്തിൽ പോയി കുളിച്ചു വന്ന് വേഷം മാറി.തലയിൽ ബ്രിൽ ക്രീം തേച്ചുമൂടി ചീകി പെട്ടിപടിഞ്ഞാറ്റയിൽ വെച്ച് കെട്ടഴിച്ചു. ഞങ്ങൾ ആകാംക്ഷയോടെ നോക്കി നിന്നു. വലിയ അമ്മയും ക്ഷമ നശിച്ചു. അവടത്തന്നെ ണ്ടാർന്നു’ കുറെ സ്റ്റീൽ കിണ്ണങ്ങളും, സ്റ്റീൽ ഗ്ലാസുകളും – ” കുട്ട്യോൾക്ക് മാത്രമല്ല ഓപ്പോളേരിക്കും, രാമേട്ടനും വേറെ വേറെ വാങ്ങീട്ടുണ്ട് ” ” കുട്ട്യോൾടെ കിണ്ണക്കമാറ്റാറായീനന്നായി പരേശ രാ ഞങ്ങൾ ഓരോരുത്തരും ഇതെനിക്ക് ‘ഇതെനിക്ക് എന്ന് ഓരിവെക്കാൻ തുടങ്ങി’ അമ്മ മേലടുക്കള വാതിലിൻ്റെ അവിടെ നിന്ന് മെല്ലെ നടന്ന വന്നു ” ഉണ്ണ്യേമാ നല്ല വെല ള്ളതാ ഇത് പുറത്തേക്കിടണ്ട. അടുക്കളേത്തന്നെ കഴു ക്യാ മതി കുളത്തിൽ കൊണ്ടുപോയി വെണ്ണിർ പുരട്ടി ചകി ര്യോണ്ടൊരച്ചിട്ടാണ് പിഞ്ഞാണത്തിൻ്റെ കവി ടി യെല്ലാം പോയത്. ഇത് അവളെ കൊണ്ട് തൊടീക്കണ്ട- രണ്ടു നേരം ഊണുകഴിഞ്ഞ് കിണ്ണം കഴുകേണ്ട അധികച്ചുമതല കൂടി അമ്മ ഏറ്റെടുത്തു!”

ഭാഗം 44

സന്ധ്യക്കാണു് ആലമ്പിള്ളി രാമേട്ടൻ വന്നു കയറിയത്. അച്ഛൻ സ്കൂൾ വിട്ട് എത്തിയിട്ടില്ല’ ഇടക്കിടക്ക് വരാറുള്ളതുകൊണ്ട് അങ്ങോട്ടും, ഇങ്ങോട്ടും ഒരു പരിചയപ്പെടുത്തലിൻ്റെ ആവശ്യം വന്നില്ല. ബുദ്ധി അധികമായതിൻ്റെ അസുഖമുള്ള ആളാണ്.വാ തോരാതെ സംസാരിക്കുന്ന പ്രകൃതം. പൂമുഖപ്പടിയിലിരുന്ന് വർത്തമാനം തുടങ്ങി. ഈ പട്ടാമ്പി പാലം ഉണ്ടാക്കീതാരാ, പട്ടാമ്പി കോളേജ് ആരാ ?- ഉത്തരം ഞങ്ങൾ കൃത്യം കൃത്യമായി പറഞ്ഞു. ഇ.എം.എസ്സല്ല – ഇ പി. അദ്ദേഹത്തിൻ്റെ മുഖത്ത് പുഞ്ചിരി വന്നു.എല്ലാ തവണയും ഞങ്ങളെ പഠിപ്പിക്കാറുണ്ട്. ഉണ്ണികൾ മറന്നിട്ടില്ല എന്ന സന്തോഷം മുഖത്ത് കണ്ടു. വലിയ അമ്മ വർത്തമാനം കേട്ട് ശ്രദ്ധിച്ചു. ” ങ്ങന്യായാപ്പെന്താ ചെയ്യാ- ഈ സന്ധ്യ ടെ മൂട്ടില് ങ്ങനള്ള, ആൾക്കാർ വന്നാ ” ” ആ മുറി അടിച്ചുരി തൊടച്ചിട്ടൊന്നുണ്ടാവില്ല്യ. രാമേട്ടൻ വന്നാൽ പത്തായപ്പുരയിലാണ് കിടത്തം. അമ്മ പറഞ്ഞത് കേട്ടിട്ടാകണം”ഏയ് അതൊന്നും സാരല്ല്യാ- എനി ചായണ്ടാ ക്വൊന്നും വേണ്ട – കുറച്ചു സംഭാരം എടുത്തോളൂ. സംഭാരം കുടിക്കുന്നതിനിടയിൽ കൊളത്തിലിപ്പൊ ആരും ണ്ടാവില്ലല്ലോ – ഞങ്ങളോടായ ചോദിച്ചു. ഇല്ല. എന്നാ എണ്ണേം, സോപ്പും, ഒരു തോർത്തും കൊണ്ട് ര്യ, കഴിഞ്ഞ തവണ വന്നപ്പൊ കൊടുത്ത തോർത്തും, സോപ്പും കൊടുത്താ മതി. അടുക്കളയിൽ മുക്കോരത്തിൻ്റെ മുകളിൽ പൊതിഞ്ഞുവെച്ചിട്ടുള്ള സോപ്പും തോർത്തും അമ്മ എട്ത്തു തന്നു. ഷർട്ട് മുക്കി 1 മാസമായിട്ടുണ്ടാകും. ആദ്യം മുണ്ട് മുക്കി കുളപ്പുരയിലെ അഴിക്കോലിൽ തൂക്കി ‘കുളി കഴിഞ്ഞപ്പോഴേക്കും ഉണങ്ങി’ അപ്പോഴേക്കും അച്ഛൻ എത്തി. താൻ എവിടന്നാ വരണു്ന്ന് ചോദിച്ചു. തൃശ്ശൂരിന്ന്, നാളെ വൈശ്റോണത്ത് എത്തണം’ രാവിലെ ചായീം പലഹാരും കഴിഞ്ഞാ താമസല്ലാണ്ടെറഞ്ഞു. “ന്നാ താൻ നേർത്തെ ഊണുകഴിച്ചു കിടന്നോളൂ”കൂടുതൽ സംസാരത്തിൽ നിന്നും രക്ഷപ്പെടാമല്ലോ എന്നും അച്ഛൻ കരുതീട്ടുണ്ടാകും’ കെഴുക്കി നി യിൽ വെച്ചാണ് .മരക്കുറ്റിയുടെ മുകളിൽ വെച്ചിട്ടുള്ള കമ്പി റാന്തൽ വെളിച്ചത്തിൽ .ഒരു കുന്ന് ചോറു വേണം, ഊണുകഴിക്കുന്ന കണ്ടാൽ ഒരാഴ്ച പട്ടിണി കിടന്നതാണെന്നു തോന്നും. ഊണ കഴിക്കുമ്പഴും വർത്തമാനം തുടർന്നു കൊണ്ടേയിരിക്കും, ഊണുകഴിഞ്ഞ് പത്തായപ്പുരിൽ ചെറിയ കമ്പി റാന്തലും കൊണ്ടുപോയി.േ രാവിലെ കുളി കഴിഞ്ഞ് പുറപ്പെട്ടു.പോകുമ്പോൾ ഞങ്ങളോടായി – “ഏയ് ശങ്കരപ്പൻ ഞാങ്ങാട്ടി ര്യെന്നല്ലേ.കൃഷി ഫോമിൽ ജോലിക്കു പോണില്ലേപ്പളൂം – കൃഷി ഫോം ആരാണ്ടാക്ക്യേ നിശ്ശണ്ടോ? – ഉത്തരം രാമേട്ടൻ തന്നെ പറഞ്ഞു ഈ പ്യാ, iiiii

ഭാഗം 43

ആരും പ്രതീക്ഷിക്കാതെ കുറച്ചതിഥികൾ ഒരു പ്രഭാതത്തിൽ പ്രത്യക്ഷപ്പെട്ടു കുരങ്ങൻമാർ; – ആരോ കൊണ്ട് വന്ന് തള്ളിയതാകാം. കുറച്ചെണ്ണം ഇരിക്കപ്പാട്ടിലെ കാട്ടിലും, കുറച്ചെണ്ണം ബോമ്പായി പറമ്പിലും, കുറച്ചെണ്ണം മoത്തി കുന്നത്തെ കാണി രാം കാട്ടിലും. റോഡു സൗകര്യമില്ലാത്ത കാലം. ആരെങ്ങിനെ കൊണ്ടുവന്നു – ചോദ്യ ചിന്നം പോലെ എല്ലാവരും പരസ്പരം നോക്കി. കള്ളുചെത്തു കഴിഞ്ഞ് കൃഷ്ണൻ (പടിഞ്ഞാറേ ലെ) അതുവഴി വന്ന് അച്ഛനോടും ശങ്കരേശ നോടും പറയുന്നത് കേട്ടു.നമ്പ്യാർ കാടിൻ്റെ താഴെ കൊണ്ടു വന്ന് വിട്ട് ലോറി മടങ്ങണ കണ്ടു. കാക്ക രാത്തപടിയിൽ നിന്നും മേഴത്തുർ വരെയുള്ള ടിപ്പു സുൽത്താൻ റോഡിൻ്റെ വശത്താണ് നമ്പ്യാർ കാട്. അവിടെ നിന്നു അരിക്കത്ത കാട് വഴി നാരണപ്പൻ്റ പടിവരെ ഇടവഴിയുണ്ട്. അതു വഴിവിട്ടതാണ്. പണ്ട് ടിപ്പു സുൽത്താൻ വെട്ടിയ റോഡാണത്. ഈ വഴിക്കാണ് ടിപ്പുവിൻ്റെ പടയാളികൾ മുടവന്നു രമ്പലം അക്രമക്കാൻ വന്നത്, പടയാളികൾ അമ്പലത്തിൽ പ്രവേശിച്ചു വടക്കോട്ടുള്ള വാതിൽ വെട്ടിപ്പൊളിക്കാൻ തുടങ്ങി. അമ്പലത്തിനകത്തുനിന്നു വന്ന തേനീച്ചക്കൂട്ടം അവരെ തുരത്തിയോടിച്ചു.കഴിഞ്ഞ കൊല്ലം വരെ കോടാലിപ്പാടുകളുമായി ആ വാതിൽ തന്നെയായിരുന്നു.കഴിഞ്ഞ വർഷം ജീർണോ ദ്ധാരണ o നടന്നപ്പോൾ ആ വാതിലും മാറ്റി പുതിയ വാതിൽ പണിതു.
പണ്ട് കമ്മ്യൂണിസ്റ്റ് നേതാക്കൻമാരെ ഒളിപ്പിക്കാനും ഈ വഴിക്കു തന്നെയാണ് കൊണ്ടുവന്നിരുന്ന ത്. ഇപ്പോൾ വാനരന്മാരും – ആദ്യമാദ്യം ആളുകൾക്ക് ഒരു കൗതുകമായിരുന്നു. ഉറിയമoത്തിലെ അമ്മന്യു മിറ്റത്ത് ചോറ് വെക്കാറുണ്ടായിരുന്നു. കുരങ്ങൻമാർ വന്ന് തിന്നും, തെങ്ങിൻ്റെ മുകളിൽ കയറി ഇളനീരും, അച്ചിങ്ങയും തിന്നാൻ തുടങ്ങി.അവ പെറ്റുപെരുകി എണ്ണം കൂടി. ചേന, ചേച്ച്, കൊള്ളി, എല്ലാം നശിപ്പക്കാൻ തുടങ്ങി. കുറേശ്ശെ സ്ത്രീകളെയും, കുട്ടികളെയു ഉപദ്രവിക്കാൻ തുടങ്ങി. കല്യാണി ചോറുമായി വീട്ടിലേക്കു പോക്കമ്പോൾ തട്ടിയെടുത്തു. ഒരിക്കൽ കാളിത്തള്ള പുല്ലരിയുമ്പോൾ മൂന്നാലെണ്ണം അക്രമിക്കാൻ വന്നു. കുണ്ടൻ കുടക്കുള്ളിൽ ഒളിച്ചു. കുടയുടെ ചുറത്തു കയറി മാന്തിപ്പൊളിക്കാൻ തുടങ്ങി. ഉച്ചത്തിൽ നിലവിളിച്ചു. അതു വഴി പോയിരുന്ന ഗോവിന്ദേശൻ ഓടിച്ചെന്ന് കുരങ്ങന്മാരെ ആട്ടിയോടിച്ചു. അടാമ്പുറത്തു ഗോപിയുടെ അച്ഛനാണ്. എപ്പോഴും ഒരു മുട്ടൻ വടികൈയിലുണ്ടാകും.പിറ്റേന്ന് കുരങ്ങു ശല്യത്തിൻ്റെ ഗുണഭോക്താക്കൾ ഇല്ലത്തെ പൂമുഖത്ത് ഒത്തുകൂടി. എന്തെങ്കിലും ഒരു പരിഹാരം ഇവടുന്നു തന്നെ ഉണ്ടാക്കണം എല്ലാവരും അച്ഛനോടാണ് പരിഹാര ണ്ടാക്കാൻ പറയണത്.വടക്കാഞ്ചേരിയിൽ ഒരു കുരങ്ങു പിടിത്തക്കാരൻ ഉണ്ടത്രേ. അയാളെ കൊണ്ടുവരാൻ ഏർപ്പാടാക്കി. പിറ്റേന്നു തന്നെ അയാൾ വന്നു. ഏതാണ്ട് ഒരു കൊരഞ്ഞൻ്റെ ഛായണ്ട ലോ ഇയാൾക്കെന്ന് നാരണപ്പൻ ഞങ്ങളോടായി പറഞ്ഞു. എന്തു ചെലവു വരുമെന്നു് നാരായണൻ മാഷ് ചോദിച്ചു. ലോറി വാടക, പഴക്കൊല 10 എണ്ണം, പിന്നെ നൂറു രൂപ.എല്ലാവരും സമ്മതിച്ചു.അതിനിടയിൽ നാരണപ്പൻ ” കാശു വാങ്ങ്യാ പോര എല്ലാറ്റിനേം കൊണ്ടു പോണം” എന്നു പറഞ്ഞു. ങ്ങള് സൗകര്യം ചെയ്തു തന്നാ മതി” – അല്ല ഈ പഴക്കൊലകാട്ട്യാരൂടെ വരുന്നെന്താ ഒറപ്പ്.നല്ല തീറ്റ കിട്ട്ണുണ്ടേ. – ഇവിടെ. അതോണ്ടാ ഞാൻ ചോച്ച്.ഇതിന് മുമ്പ് ങ്ങനെ ചീതിട്ടുണ്ടോ.? – ഓ എത്ര തവണ അയാൾ മറുപടി പറഞ്ഞു.ഞിപ്പൊ ബിറേറ എവടക്കാ കൊണ്ടോ യാ ക്ക്വാ? വടക്കാഞ്ചേരി കാട്ടില്, അന്നു മുതൽ 4 ദിവസം അയാൾ കുരങ്ങൻ മാരുടെ കൂടെ താമസിച്ച് പഴവും മറ്റും കൊടുത്തിണക്കി നമ്പ്യാർ കാട്ടിലേക്കു കൊണ്ടുപോയി.റോഡിൽ വെച്ച മുളകൊണ്ട് കെട്ടിയുണ്ടാക്കിയ കൂട്ടിൽ ആദ്യം അയാൾ കയറി വരിവരിയായി കുരങ്ങന്മാരും എല്ലാവരും കയറി വാതിലടച്ചു പിൻവാതിൽ വഴി അയാൾ പുറന്നു ചാടി,- നാട്ടുകാരെല്ലാം കൂടി കൂട് ലോറിയിലേക്ക് കയറ്റി. ആകെ 250 രൂപ കൊണ്ട് എല്ലാം കഴിഞ്ഞു. ഒരു ഒറ്റക്കുരങ്ങൻ മാത്രം ബാക്കിയായി ഉറിയമoത്തിലെ പുളിമരത്തിൽ

ഭാഗം 42

പരുതൂരിൽ താമസിക്കുന്ന ഇത്താരു എഴുത്തശ്ശൻ സാമൂതിരി രാജാവിൻ്റെ കല്പനപ്രകാരം പരുതൂരിൽ ഒരു സ്കൂൾ തുടങ്ങി. പുഴക്കിക്കരെ താമസിക്കുന്നവരുടെ ആവശ്യപ്രകാരം ഉള്ളന്നൂരിലും തുടങ്ങി ഒരു സ്കൂൾ. മുടവനൂരിൻ്റെ തൊട്ട പ്രദേശമാണു് ഉള്ള ആർ. ഒരു കുന്ന് ഇറങ്ങിയാൽ 15 മിനിറ്റുമതി സ്കൂളിലെത്താൻ. അവിടത്തെ ഭൂപ്രഭുവായ പാവുട്ടി നമ്പൂതിരിയിൽ നിന്ന് നിസാര വിലക്ക് വാങ്ങിയ 3 ഏക്കർ സ്ഥലത്താണ് സ്കൂൾ പണിതത്. തൻ്റെ മകൾ രുഗ്മിണിയുടെ ഒർമ്മക്കായി സ്കൂളിന് രുഗ്മിണി.എ.എൽ.പി സ്കൂൾ എന്നു പേരുമിട്ടു. കാലക്രമേണ രണ്ടു സ്കുളും മാനേജ്‌ ചെയ്യാൻ എടുത്തശ്ശന് വയ്യാതായി. അദ്ദേഹം വലിയച്ഛനെ സമീപിച്ചു,.ആദ്യം കുറച്ചു മടി കാണിച്ചെങ്കിലും പാവുട്ടിയും മറ്റും നിർബ്ബന്ധിച്ചു. മാത്രമല്ല സ്ഥലം അധികാരിപോലും സപ്പോർട്ട് ചെയ്തു.അങ്ങിനെ സ്കൂളും പറമ്പും വലിയച്ഛൻ വാങ്ങി. വലിയ അമ്മയുടെ അമ്മാത്താണ് പാവുട്ടി. അവിഎഇ വിശേഷങ്ങളുണ്ടെങ്കിലും വലിയ അമ്മ പോകും- ഞങ്ങളെയും കൊണ്ടു പോകാറുണ്ട്.സ്കൂളിൽ പഠിക്കുന്ന കാലത്ത് പാവുട്ടിയിൽ എന്തു വിശേഷമുണ്ടെങ്കിലും ഉച്ചയൊഴിവിൽ ഊണുകഴിക്കാൻ ഞങ്ങൾ പോയിരുന്നു. പിറന്നാൾ സദ്യക്കു പോലും ധാരാളം ആളുകൾ അവിടെയെത്തും. നാട്ടുകാർക്ക് നല്ല സഹായം ചെയ്തിരുന്ന ആളാണ്.ശുദ്ധ നമ്പൂതിരിയുമാണ്‌. ഭൂ നിയമം വന്നപ്പോൾ ഇരിക്കുന്നവളപ്പൊഴിച്ചു എല്ലാം അന്യാധീനപ്പെട്ടു. മൂന്നോ നാലോ വർഷം പഴയ പ്രതാപത്തിൻ്റെ ചില രൂപങ്ങൾ എങ്ങിനെയൊക്കെയോ പാടുപെട്ടു് തുടർന്നു. കുട്ടികൾക്ക്‌ വേണ്ട രീതിയിൽ വിദ്യാഭ്യാസം കൊടുക്കാനും കഴിഞ്ഞില്ല. വേറെ ഒരു തരത്തിൽ പെട്ട തൊഴിലും അറിയില്ല. മുടവന്നൂരമ്പലത്തിൽ ശാന്തിക്ക് ഒരാളെ വേണമെന്ന് മനസിലായി ഉറിയമoത്തിനെ കാണാൻ പോയി. രാമരിക്കനുമായി ആലോചിക്കുവാൻ പറഞ്ഞതനുസരിച്ച് ഇല്ലത്ത് വന്നു. നാളെ മുതൽ തന്നെ വന്നോളാൻ അച്ഛൻ പറഞ്ഞു. മറ്റു ജാതിക്കാരും അമ്പലത്തിൽ കയറാൻ തുടങ്ങി; ഭക്തരെയെല്ലാം അമ്പലത്തിലേക്കാകർഷിക്കാൻ അദ്ദേഹത്തിനു പ്രത്യേക കഴിവുണ്ടായിരുന്നു. ധാരാളം സംസാരിക്കുന്ന പ്രകൃതിയാണ്. ഇടക്ക് രാവിലത്തെ ചായ, പലഹാരം ഇല്ലത്താകും, ചെറിയ കുട്ടികളാണെങ്കിൽ അവരുടെ കൂടെ കളിക്കാൻ പോലും അദ്ദേഹം സമയം കണ്ടെത്തുമായിരുന്നു. നാലോ അഞ്ചോ കൊല്ലം കഴിഞ്ഞപ്പോൾ കുന്നുകയറാനും, ഇറങ്ങാനുമുള്ള ബുദ്ധിമുട്ട് മൂലം ശാന്തി അവസാനിപ്പിച്ചു.