Author: Ramachandran Arikkath

ഭാഗം 10

ഒരു സാങ്കല്പിക സൃഷ്ടിയാണിന്നത്തേ തെന്ന് പലർക്കും തോന്നാം. ആ മുഖമായി പറഞ്ഞെന്നേയുള്ളൂ – കു-കൃ- സു ഇവർക്കങ്ങിനെ തോന്നാനിടയില്ല. അവരുടെ സപ്പോർട്ടോടെ എഴുതുക തന്നെ. കയ്യാലയുടെ ചിതൽ പിടിച്ച കഴുക്കോൽ മാറ്റുവാൻ പങ്ങനാശാരി വന്ന ദിവസം. പണി ഉച്ചയ്ക്കു തീർന്നു. ഊണുകഴിഞ്ഞ് ഒരു ഉറക്കം കൂടി കഴിഞ്ഞേ അയാൾ പോകൂ. ഊണു കാണുവാൻ നല്ല രസമാണ്. പത്തായപ്പുരയുടെ കോലാമ്പിൽ വെച്ചാണ് ഊണ്.ഒരു കുട്ടിച്ചെമ്പു് നിറയെ ചോറും, ഒരു മരിക പുളിങ്കറിയും, കായപ്പേരി കടുമാങ്ങയും. ഉരുട്ടി വിഴുങ്ങുക എന്നു കേട്ടിട്ടേള്ളൂ. ഇപ്പോൾ നേരിട്ടനുഭവിച്ചു.ഈണു കണ്ടു നിന്നിരുന്ന ഞങ്ങളോട് 3 ചോദ്യം ചോദിച്ചു.

ചോദ്യം 1 – പൂമോത്ത്ന്ന് കിഴക്കെ അറ്റം വരെ എത്ര മുറിയുണ്ട് ?
ഉത്തരം – 4 മുറി – പുറത്തളം, പത്തായം. മച്ചു്. അറ.

ചോദ്യം 2 – ആദ്യത്തെ നിലയിൽ എത്ര മുറി ണ്ട് ?
ഉത്തരം – 4 മുറി – പടിഞ്ഞാറെ അറ, പത്തായം: മോളിലെ മച്ച്, കിഴക്കെ അറ.

ചോദ്യം 3 – രണ്ടാം നിലയിൽ എത്ര മുറി ?
ഉത്തരം – 3 മുറി ഒത്ത മോൾ, അച്ഛൻ്റെ മോൾ, തളം: ഞങ്കട മുറി കണ്ടിട്ടില്ലേ ?

ഒത്തമോളി നും അച്ചൻ്റമോളിനു മിടക്കു് മോളിലെ പത്തായത്തിനു മുകളിൽ ‘വളരെ ആകാംക്ഷയോടെ ഞങ്ങൾ പങ്ങനാശാരിയോട് അതിലേക്കുള്ള വഴി തിരക്കി.അതിൽ നിറയെ ആത്മാക്കളാണത്രെ, ഒറ്റക്ക് ഉച്ച സമയത്തും നട്ടപ്പാതിരക്കും തളത്തിൻ്റെ ഭാഗത്ത് ചെന്ന് ചെവിയോർത്താൽ അതനുഭപ്പെടുമെന്നും ഞങ്ങളെ ധരിപ്പിച്ചു.

അങ്ങിനെയാണ് ഒരു ദിവസം …

ഭാഗം 9

പൂമുഖം കടന്നാൽ അവിടെ നിന്ന് കിഴക്കെ അറ്റം വരെ നീണ്ട ഇടനാഴിയാണ് ‘ .അതിൻ്റെ തെക്കുഭാഗത്ത് പൊറത്താളം, കോണിക്കെട്ട്, പത്തായം, മച്ച്, അറ തുടങ്ങിയ മുറികൾ,. കട്ടിയുള്ള നിരപ്പലകകൾ കൊണ്ടാണ് മുറികൾ വേർതിരിച്ചിരിക്കുന്നത്. ഓരോ മുറിക്കും പ്രത്യേകം പ്രത്യേകം വാതിലുകൾ. വാതിൽ തുറക്കുന്ന ശബ്ദം കേട്ടാലറിയും ഏതു മുറിയാണു തുറക്കുന്നതെന്ന്.ഓരോന്നിനും വ്യത്യസ്ഥമായ സംഗീതാത്മക ശബ്ദം. പുറത്താളത്തിൽ ഇല്ലത്തെയും, അമ്പലങ്ങളിലെയും പല കണക്കുകളും സൂക്ഷിക്കുന്ന വലിയമേശയും, ഒരു ചെറിയ അലമാറയും, കാൽ പെട്ടിയും വെച്ചിട്ടുണ്ടാകും. സ്ത്രീകൾക്കും കുട്ടികൾക്കും പ്രവേശന സ്വാതന്ത്ര്യം കുറവാണ്. കോണിക്കെട്ടുകഴിഞ്ഞു പത്തായം എന്നും നെല്ലുണ്ടാകും.പത്തായത്തോടു ചേന്ന് മച്ച്.അരി നിറച്ചു വെച്ചിട്ടുള്ള പ്ടാവുകൾ’ വെളിച്ചെണ്ണ ഭരണി മോര് നിറച്ചിട്ടുള്ള ചെറു ഭരണികൾ തുടങ്ങി ഉപ്പുതൊട്ട് കർപ്പൂരം വരെയുള്ള സാധനങ്ങളുടെ സൂക്ഷിപ്പ് അവിടെയാണ് – അറ എന്ന പേരുള്ള കിഴക്കെ അറ്റത്തെ മുറി സ്ത്രീകളാണ് അധികം ഉപയോഗിക്കാറ്. ഒഴിവുകാലത്ത് അച്ഛൻ പെങ്ങൻമാർ വന്നാൽ അവരുടെ സഞ്ചിയും ബാഗുമെല്ലാം അവിടെ സൂക്ഷിക്കും. രാത്രിയിലെ കിടപ്പും അവിടത്തന്നെ ‘പ്രസവിച്ചു കിടക്കുന്നതിനും അറതന്നെ ശരണം’ പണ്ടൊന്നും പ്രസവത്തിന് ആശുപത്രിയിൽ പോക പതിവില്ല. വളക്കത്രോൾ വന്ന് പ്രസവം എടുത്തു പോകയാണു പതിവു്. പ്രസവം കഴിഞ്ഞ് ഉണ്ണിയാണെങ്കിൽ ആർപ്പുവിളിച്ച് നാട്ടുകാരെ അറിയിക്കണം. എത്രയോ പേറ്റുനോവുകൾക്ക് സാക്ഷ്യം വഹിച്ച മുറിയാണത്. മുറിയുടെ പടിഞ്ഞാറുവശം ചേന്ന്‌ മേലോട്ടുള്ള കോണി.ആ കോണി കയറിയാൽ വലതു വശത്ത് വീണ്ടും മുകളിലേക്കുള്ള കോണി”ഒറ്റക്ക് ഒരാൾക്ക് ആ കോണി കയറുവാൻ പറ്റില്ലാത്രെ, ആ കോണി കയറിയാൽ ഒരു വലിയ തളത്തിലെത്തും: മുകളിലേക്കു നോക്കിയാൽ തട്ടിൻപുറം. ചില അപശബ്ദങ്ങൾ കേൾക്കാം. തളത്തിൻ്റെ പടിഞ്ഞാറായി അച്ഛൻ്റെ മോൾ (അച്ഛൻ്റെ മുറി) അതിനുള്ളിൽ കയറി വാതിലടച്ചാൽ പ്രശ്നമൊന്നുമില്ല.അതിനോടു തൊട്ടമുറിയാണ്”

ഭാഗം 8

പടിഞ്ഞാറെ എറയത്തോടു ചേർന്നാണെങ്കിലും രണ്ടര അടിയെങ്കിലും ഉയർന്നാണ് പടിഞ്ഞാറ്റ ‘കിഴക്കെ ഭാഗം വീതികൂടിയതും കട്ടിയുള്ള തുമായ മരത്തടി. നല്ല മിനുസം .ഉച്ചനേരത്ത് കിടന്നുറങ്ങാൻ വേറെ എങ്ങോട്ടും പോണ്ട. നാലു ഭയങ്കര തൂണുകൾ ‘പടിഞ്ഞാറ് ഭാഗത്ത് ഒരു പ്രത്യേകതരം അഴി. പുറത്തേക്കു നോക്കിയാൽ പൂമുഖവും, പത്തായപ്പുരയും. പടിപ്പുരയും – അവിടെയുള്ള ആളുകളെ യൊക്കെയും കാണാം’ എന്നാൽ പുറമെ നിന്ന് ഇപ്പുറത്തുള്ളവരെ ആർക്കും കാണാൻ കഴിയില്ല. അഴികൾക്കിടയിലൂടെ നല്ല കാറ്റ് പടിഞ്ഞാറ്റയിലേക്കു ഒഴുകി വരും. അമ്മ പണിയെല്ലാം കഴിഞ്ഞ് ക്ഷീണം തീർക്കാൻ അവിടെ പലപ്പോഴും ഇരിക്കുന്നത് കണ്ടിട്ടുണ്ട്‌.’

ഈ പടിഞ്ഞാറ്റയിൽ കിഴക്കുപടിഞ്ഞാറായി അഞ്ചു കയറുകൾ സ്ഥിരമായി കെട്ടിയിട്ടുണ്ടാകും. ഈ റ ൻ തുണികൾ ഉണക്കാൻ വേണ്ടി. അന്നൊന്നും മിററത്ത് തുണികൾ തോ രടാറില്ല.. എന്നാൽ ഭഗവതി പാട്ടിൻ്റെ അന്നും, തിരുവാതിരക്കും ആ കയറുകൾ അഴിച്ചു വെക്കണം. നമ്മുടെ പരദേവതയായ കൊടിക്കുന്നത്തമ്മയ്ക് എല്ലാ കൊല്ലവും പാട്ടു നടത്തുന്നത് പടിഞ്ഞാറ്റയിൽവെച്ചാണ്.സന്ധ്യയ്ക്കു മുമ്പു് കളം വരക്കു വാൻ രണ്ടു കുറ്പ്പ് മാരെത്തും.കുരുത്തോല തൂക്കി അലങ്കരിക്കുന്നതും അവർ തന്നെ,. സന്ധ്യയോടെ ഉറിയ മഠം വന്ന് കളംപൂജ. തത്സമയം കുറുപ്പ്മാരുടെ വക ന ന്തുണിപ്പാട്ട്. പൂജ കഴിയുമ്പളയ്ക്കും വെളിച്ചപ്പാട് കുളിച്ചെത്തി നൃത്തം ചെയ്യുന്നു. അവസാനം കുരുത്തോല വെട്ടുന്നു. കളം മായ്ക്കുന്നു, തുടർന്ന് കല്പന, തിരുവാതിരക്ക് ഊഞ്ഞാൽ ഇടുന്നത് വിട്ടത്തിൻ്റെ മുകളിലാണ്. തടസ്സമില്ലാതെ ഊഞ്ഞാലിൽ ആടുവാനാണ് കയറഴിക്കുന്നത്. മാത്രമല്ല തിരുവാതിര ദിവസം സ്ഥലത്തെ പെണ്ണങ്ങൾ തിരുവാതിരക്കളി നടത്തുന്നത് പടിഞ്ഞാറ്റേ ലാണ്.അമ്മയും, ചെ റിയമ്മമാരും, മുട്ടപ്പെണ്ണ്, പാറോതിപ്പെണ്ണ്, ലക്ഷ്മി, മീനാക്ഷി ദേവകി കല്യാണി തുടങ്ങി മേജർസെറ്റിൻ്റെതായിരിക്കും ആദ്യത്തെ കളി ആൺകുട്ടികൾ പടിഞ്ഞാറെ മുറ്റത്ത് തലപ്പന്തുകളിയിലായിരിക്കും……..

ഭാഗം 7

ഊണു കഴിഞ്ഞാൽ നടുമിറ്റത്തിൻ്റെ വടക്കു കിഴക്കെ മൂലയിലുള്ളകുപ്പയിലേക്കാണ് കൈകഴുകുക. എന്നാൽ കുഞ്ചോയ്ക്കൻ പടിഞ്ഞാറ് ഭാഗത്ത് കരിങ്കല്ലിൽ ആണ് ആദ്യം കാൽ കഴുകുന്നതും (കാൽ കഴുകിക്കുന്നത് അച്ഛനാണ്) ഊണു കഴിഞ്ഞ് കൈകഴുകുന്നതും. നടുമുറ്റത്തിൻ്റെ മൂന്നു ഭാഗത്തേ എറേം (കോലായ) ഉള്ളൂ. പടിഞ്ഞാറ്റ, വടക്കി ണി, കെ ഴ്ക്കി ണി’ഭാഗങ്ങളോടു ചേർന്ന്‌.തെക്കുഭാഗം മാളികപ്പുരയാണ്. പക്ഷേ ഭാഷാപ്രയോഗത്തിൽ നാലെ റേത്ത് എന്നാണ് പറയാറ്. ചെറിയ സദ്യയൊക്കെ നടത്തുന്ന സന്ദർഭങ്ങളിൽ പടിഞ്ഞാറേ റലും നാലെ റേത്തും ഇല വെക്കാറുണ്ടു്.എ റേത്ത് കഴുക്കോലിൽ തെക്കുവടക്കും, കിഴക്കുപടിഞ്ഞാറുമായി സ്ഥാപിച്ചിട്ടുള്ള ചെത്തിമിനുക്കിയ മൂത്ത മുളയിൽ ഒരു വർഷത്തേക്കു ആവശ്യമായ കുമ്പളങ്ങ, മത്തങ്ങ വെള്ളരിക്ക എന്നിവ കെട്ടിത്തൂക്കിയിട്ടുണ്ടാകും. മോളിലെ എടാഴി കളിലും ഇങ്ങിനെ തൂക്കിയിടാറുണ്ട്. എലിയുടെ ശല്യം ധാരാളമുള്ളതിനാൽ കെട്ടിത്തൂക്കുന്ന കയറിൽ കവുങ്ങിൻ പാളമുറിച്ച് തടസ്സം വെക്കാറുണ്ട്. അപ്പോൾ എലിക്ക് തൊടാൻ പോലും കിട്ടില്ല. അധികം ഇല്ലങ്ങളിലൊന്നുമില്ലാത്ത ഒരു വിശേഷം നടുമുറ്റത്തെ പ്രതിഷ്ഠയാണ്. അരിക്കത്തും, കിഴുപ്രക്കാട്ടും. അക്കൂരത്തും മാത്രമേ ഈ തരത്തിലുള്ള പ്രതിഷ്ഠയുള്ളൂ അക്കൂരത്ത് ഇപ്പോൾ ഇല്ല.. കണ്ണന്നുരിൽ നിന്ന് ഞാങ്ങാട്ടിരി യിലേക്കു് പോകേണ്ടി വന്നപ്പോൾ അവിടെയിട്ടു പോയെന്നാണ് അറിവു്. രക്തേശ്വരി, മണികണ്ഠൻ മാർ എന്നാണ് പറയുക- .ഇവർക്കു പുറമെ പാതിരാ പഞ്ചമിയും ഉണ്ട്. മാത്രമല്ല പരിവാരങ്ങളായി നിധി ഭൂതം, ബാല ശാസ്താവു് നാഗയക്ഷി, നീല ഭട്ടക ധാരി, ബാലഹ നൂമാൻ, ഭഗവതി ഇവ രും ഉണ്ട്. ശൈവ ആചാരപ്രകാരം തമോ ഗുണ പ്രധാനമായ ദേവതകൾക്ക് ഉപാസനാ ശക്തിയുള്ള തന്ത്രിമാരാണ് ഗുരുതി വർഷത്തിലൊരിക്കൽ നടത്താറുള്ളത്. സന്ധ്യക്കാണ് ഗുരുതിയും, സർപ്പ പൂജയും നടത്താറ്. മഞ്ഞളും, ചണ്ണാമ്പും ചേത്ത്‌ വെള്ളത്തിൽ കലക്കി നിലത്തൊഴുക്കും. അപ്പം അട, മലർ പായസം ‘ ഇവ ഉണ്ടാക്കാൻ പരികർമിനേരത്തെ വരും. അണ്ടലാടിയാണു് ഗുരുതി നടത്താറുള്ളത്.കുടുംബ ദോഷങ്ങൾ തീർത്ത് സ്വസ്ഥതയുണ്ടാക്കാനാണത്രെ ഗുരുതി നടത്തുന്നത്..

ഭാഗം 6

പൂമുഖത്തു നിന്ന് അകത്തേക്ക് പ്രവേശിക്കുന്ന വാതിലിൽ ചില അലങ്കാരപ്പണികളെല്ലാം ഉണ്ടായിരുന്നു. പുറത്തൂ നിന്ന് പൂട്ടുവാൻ കഴിയില്ല. പഴയ ഇല്ലങ്ങളിലെല്ലാം അങ്ങിനെയാണ്‌. ഇല്ലം പൂട്ടിപ്പോകാൻ പാടില്ല. എന്നും ആരെങ്കിലും ഇല്ലത്തുണ്ടാകണം. ഹോമകുണ്ഡത്തിൽ എന്നും തീജ്വലിച്ചുകൊണ്ടിരിക്കണം” ഇല്ലത്ത് വടക്കിനിയിലാണ് ഹോമകുണ്ഡം. നമ്മുടെ മുൻ തലമുറകളിൽ ധാരാളം സോമയാജിപ്പാടന്മാരും, അ ടീരിപ്പാടന്മാരും ജീവിച്ചിരുന്നുവെന്നതിൻ്റെ തെളിവുകൂടിയാണ് ആ ഹോമകുണ്ഡം’ ഇല്ലത്തെ തേവാരക്കുണ്ടും വടക്കിനിയിലാണ്. പടിഞ്ഞാറ് ഭാഗത്തേക്ക് ദർശനമായി.ആ ത്തേമ്മാരുകളാണ് ദിവസവും നേദിക്കാറുള്ളത്.നാലെറേത്തു നിന്നും, മേലടുക്കളയിൽ നിന്നും വടക്കിനിയിലേക്ക് പ്രവേശിക്കാനായി രണ്ടു വാതിലുകളുണ്ട്. മേലടുക്കളയിൽ നിന്നുള്ള വാതിൽ എന്നും തുറന്നു വെച്ചാണിരിക്കുക ചാത്തം പോലുള്ള വിശേഷ ദിനങ്ങളിലേനാലെ റേത്തു നിന്നുള്ള വാതിൽ തുറക്കാറുള്ളൂ. മുത്തശ്ശൻ്റെ യും ,മുത്തശ്ശിയുടെയും, വല്യച്ഛൻ്റെയും ചാത്തത്തിന് വല്യപ്പനും, മാധ പ്ഫനും കൂടാറുണ്ട്. അമ്മമാർ 3 മണിക്ക് കുളിച്ച് ശുദ്ധമായി ക വ്യാൻ ചോറും, എരിശേരി, മുള വെള്ളം, പ്രഥമൻ തുടങ്ങിയ ചാത്ത സദ്യ ഒരുക്കുന്ന തിരക്കിലാകും ,കുഞ്ചോ യ്ക്കനാണ് ചാത്തം ഊട്ടിക്കൽ.ചാത്തം ഉണ്ണാൻ ഉറിയ മഠവും’ചാത്ത സദ്യയുടെ വിഭവങ്ങൾക്ക് ഒരു പ്രത്യേക മണവും സ്വാദുമാണ്. ഓർക്കുമ്പോൾ വായിൽ വെള്ളം വരും ഇന്നും ‘കഞ്ചോ യ്ക്കൻ ഊണുകഴിക്കുന്നത് കണ്ട് നിൽക്കാൻ തന്നെ ഒരു രസമായിരുന്നു. അടുത്ത ഊഴം പിതൃക്കൾക്ക് .കിഴക്കോട്ടുള്ള വാതിൽ തുറന്ന് പ്രത്യേകം മെഴുകിയ സ്ഥലത്ത് പിണ്ഡം വെച്ച് കൈ കൊട്ടിയാൽ കാക്കയുടെ രൂപത്തിൽ വന്ന് കൊത്തി പോകൽ കഴിഞ്ഞേ ഞങ്ങൾ ഭക്ഷണം കഴിക്കാറുള്ളൂ

ഭാഗം 5

ഇല്ലത്തെ പൂമുഖത്തിന് ഒരു പാടു പ്രത്യേകതകളുണ്ടായിരുന്നു. മൂന്നു ഭാഗവും നല്ല കനത്തിലുള്ള ഇരൂൾ തടികൊണ്ടുളപടി യോടുകൂടിയത്.ചിത്രപ്പണിയോടുകൂടിയ ഉരുണ്ട തൂണുകൾ ഉത്തരം താങ്ങികളായി നിൽക്കുന്നു ‘തെക്കോട്ടും, പടിഞ്ഞാട്ടും നടവഴികൾ – മൂന്നു ഭാഗത്തും ഒരു മീറ്റർ വീതിയിൽ കോലായ .ആ പൂമുഖപ്പടിയിൽ ഇരുന്നാൽ തന്നെ നല്ല എനർജി കിട്ടും.നാരണപ്പനും, കൃഷ്ണപനും, കഞ്ഞപ്പനും മിക്കവാറും ദിവസങ്ങളിൽ അവിടെ വന്നിരിക്കാറുണ്ട്.ഒരു തുറന്ന കോടതി കൂടിയാണ് നമ്മുടെ പൂമുഖം. നാട്ടിലെ അടിപിടി ലഹള, എതതർക്കം, കളവു് തുടങ്ങിയ കേസുകൾക്ക് പരിഹാരം കാണന്നത് ഈ പൂമുഖത്തുനിന്നാണ്. വക്കീൽ മാടമ്പിയുടെ കേസ് പ്രമാദമായ ഒന്നായിരുന്നുവത്രെ. അച്ഛനും, നാ രണപ്പനും, മാധവൻ നായരും, ഇ-ടി. കുഞ്ഞനും കൂടി മൂന്നു സിറ്റിങ്ങിൽ കേസവ സാനിപ്പിച്ചു. കളവും കൊലപാതക ശ്രമവുമായിരുന്നു. അച്ഛനാണു് വിധി പറയാൻ.മാടമ്പിയെ ഈ നാട്ടിൽ നിന്നു പറഞ്ഞയക്കാൻ തീരുമാനിച്ചു. നാളെ തന്നെ പോണം. തൃശൂർ ജില്ലയിലെ പുതുശ്ശേരിയിൽ സ്ഥലവും വീടും സൗകര്യപ്പെടുത്തിക്കൊടുക്കുക എന്ന ദൗത്യവും മദ്ധ്യസ്ഥന്മാരുടെ ചുമതലയിലായിരുന്നു. മുടവന്നുരി ൽ മാടമ്പിയുടെ പേരിലുള്ള രണ്ടര ഏക്കർ പറമ്പും പുരയിടവും വിററാണ് പോയത്. സ്ഥലം വാങ്ങിയത് ശങ്കരൈശനായിരുന്നു. ഇതു പോലെ ഒരു പാട് മദ്ധ്യസ്ഥതകൾക്ക് സാക്ഷ്യം വഹിച്ചിട്ടുള്ള പൂമുഖം ……..

ഭാഗം 4

ഇല്ലത്തുള്ളവരുടെ ഉച്ചയൂണ് 11 മണിക്ക് കഴിയും. നടു മിററത്തെ സിമൻ്റിൽ വെയിൽ ഒരു പ്രത്യേക ഭാഗത്ത പതിക്കുന്ന സമയമാണ് ഉച്ചയൂണിനും എടേലത്തേരം ചായക്കും കണക്കാക്കാറുള്ളത്. അച്ഛൻ്റെ വല്യമ്മയാണത്രെ ഇങ്ങിനെ സമയം ചിട്ടപ്പെടുത്തിയിരുന്നത്. വല്യച്ഛൻ നേരത്തെ മരിച്ചൂ ത്രെ, (നാരായണൻ നമ്പൂതിരി ) വല്യമ്മ കാർത്യേടത്തെ മഹളായിരുന്ന ആയിടക്ക് പുരയ്ക്കു തീ പിടിച്ചു കുറെ നാശനഷ്ടങ്ങൾ ഉന്നയി. ആ വല്യമ്മയുടെ ( ഞങ്ങളുടെ വല്ല്യേമുത്തശ്ശി ) നിർബന്ധബുദ്ധിയാണ് ഇല്ലം പുതുക്കിപ്പണിയുമ്പോൾ ഓരോ മുറിക്കും ജനവാതിലുകൾ ഉണ്ടാക്കാൻ കാരണം. മുത്തശ്ശിയുടെ കയ്യിലുള്ള പൈസ കുറച്ചു ചെലവാക്കീട്ടും ണ്ടത്രേ. അവസാന കാലത്ത് പക്ഷ വധം പിടിച്ചാണ് മരിച്ചത്.അമ്മൂൻ്റച്ച നാണ് അവസാനകാലം വരെ അവരെ ശുശ്രൂഷിച്ചിരുന്നത്. സന്ധ്യയ്ക്കു് നാമം ചൊല്ലിക്കഴിഞ്ഞാൽ രാത്രിയിലെ ഭക്ഷണം. അതു കഴിഞ്ഞാൻ ഉറങ്ങാൻ മുകളിലേക്കു കെണ്ടു പോകും.പാറ്വോ മമ കൂടെ വന്ന് കഥ പറഞ്ഞാണ് ഉറക്കാറ്. കാക്ക ഏകാശി നോറ്റ കഥ, പൂച്ച കുറുഞ്ഞ്യാരുടെ കഥ — ….

ഭാഗം 3

തിരിച്ച് പത്തായപ്പുരയിലേക്ക്. അവിടെ സ്ഥിരം പണിക്കാർ കാത്തു നിൽക്കുന്നുണ്ട്- ശങ്കരൻ പ്രാക്കളെ കേൾക്കാൻ .( കാര്യസ്ഥനെ ചെറുമക്കൾ ശങ്കരൻ പ്രാക്കൾ എന്നാണ് വിളിക്കുക) ആണുങ്ങൾ മൂന്നു പേരും കവുങ്ങിൻ്റെ കവാങ്ങാൻ തോട്ടത്തിലേക്ക്.( ചാത്തപ്പൻ, കരിക്ക, കോത ]
വലിയ പരി യാണിയും, കാളിയും ചക്കിയും ആട്ടിൻ കാട്ടം ഇടി ക്ക്വ ” കോച്ചി, പര്യാണി – വെണ്ണീർ കോരി തോട്ടത്തിലെത്തിക്കുക.പത്തായപ്പുരയുടെ പടിഞ്ഞാറെ അറ്റത്തു മരത്തിൻ്റെ ഉരലിൽ ആട്ടിൻകാട്ടം നിറച്ച് ഉലക്ക കൊണ്ട് ഇടിച്ചാണ് പൊടിക്കുന്നത്, ഉലക്ക ഒറ്റക്കയ്യു കൊണ്ട് ഉരലിൽ പതിക്കുന്നതും തെറിച്ചു ആകാശത്തേക്കു പൊങ്ങുന്നതും വീണ്ടും ഉരലിൽ പതിക്കുന്നതും ഒരു നല്ല കാഴ്ചയാണ്. 3 പേരും ഒരേ സമയത്താണ് ഇങ്ങിനെ ചെയ്യുന്നത്.ഈ പൊടിയും, വെണ്ണീറും, ചാണകപ്പൊടിയും ചേർന്ന മിശിതമാണ് കവുങ്ങിനും തെങ്ങി നും വളമായി ചേർക്കാറ് –

ഉച്ചക്ക് സൂര്യൻ്റെ നിഴല് നോക്കി സമയം കണക്കാക്കിയാണ് പണി നിർത്തൽ .അയ്യപ്പൻ പശുക്കളെ രാവിലത്തെ തിരക്കു കഴിഞ്ഞാൽ മേയ്ക്കാൻ കൊണ്ടുപോയി ട്ടുണ്ടാകും. ഉച്ചയ്ക്കു തിരിച്ചു കൊണ്ടുവന്ന് തൊഴുത്തിൽ തന്നെ മുളയ്ക്കും. കറവുള്ള രണ്ടും ചെനയുള്ള ഒന്നും കൂടി 3 പശുക്കൾ എന്നും കിഴക്കെ തൊഴുത്തിലുണ്ടാകും. പശുക്കൾക്കും അയ്യപ്പനും കഞ്ഞി കൊടക്കുന്നത് ഇരിക്കണമമ യുടെ പണിയാണു്: ‘…..

ഭാഗം 2

ഈ പടിഞ്ഞാറെ പടിപ്പുര കടന്നു വന്നാൽ വലതു വശത്തായി പത്തായപ്പുര .മുകളിലും താഴെയുമായി നാലുമുറികൾ. മൂന്നു ഭാഗത്തും വിശാലമായ കോലായ .വടക്കുവശം തുറന്ന കോലായ്ക്കു രണ്ടടി ഉയരത്തിൽ കെട്ടിയ ഭിത്തിയിൽ ഉത്തരം താങ്ങി നിൽക്കുന്ന തൂണുകൾക്കിടയിൽ മരപ്പടിവിരിച്ചിട്ടുണ്ട്.. കിഴക്കുവശത്തുള്ളത് വാതിൽ വെച്ച് മുറിയാക്കി തിരിച്ചതാണ്. വീതിയുള്ള അഴി കൊണ്ട് മറച്ചിരിക്കുന്നു നാളികേരം, അടയ്ക്ക ഇവയുടെ സൂക്ഷിപ്പ് അവിടെയാണ്.വലിയ അടുപ്പമില്ലാത്ത നമ്പൂതിരിമാർ ആരെങ്കിലും വന്നാൽ മുണ്ടും കുപ്പായവും അവിടെ അഴിച്ച വെച്ച് കുളത്തിൽ പോയി വന്നേ ഇല്ലത്തേക്കു കയറാറുള്ളൂ. ഇല്ലത്തു വലിയ വിശേഷങ്ങൾ ഉണ്ടാകുമ്പോൾ കലവറയായും ആ മുറി ഉപയോഗിക്കും, ഒളിവു ജീവിതകാലത്ത് പല നേതാക്കന്മാരും ഈ പത്തായപ്പുരയി ദിവസങ്ങളോളം താമസിച്ചിട്ടുണ്ട്. നല്ല വേനക്കാലത്ത് ഈ മുറികളിൽ കിടക്കുവാൻ നല്ല സുഖമാണ്. തെക്ക് പാമ്പിൻ കാവിലെ മരക്കൂട്ടവും – കിഴക്ക് വലിയ ഉങ്ങുമരവും വടക്ക് കവുങ്ങിൻ തോപ്പും ചേർന്നാൽ ഒരു തരത്തിൽ എയർ കണ്ടീഷണിംഗ് ബിൽഡിങ്ങായി പത്തായപ്പുര മാറിയിട്ടുണ്ടാകും. – അവിടെ വെച്ചാണ് എന്നും രാവിലെ ശങ്കരൈശൻ ഉപ്പേരിക്കുന്നത്.പത്തായപ്പുരക്കകത്തേക്കുള്ള വാതിൽ മൂന്നു സ്റ്റെപ്പ് കയറിച്ചെന്നു വേണം തുറക്കാൻ ഏതാണ്ട് 6 ഇഞ്ച് നീളമുള്ള ഇരുമ്പു താക്കോൽ കൊണ്ട്. തുറന്ന് മേപ്പടിക്കുണ്ടിൽ നിന്നും കത്തിയെടുത്ത് കോലായ യുടെ താഴെയുള്ള കരിങ്കൽ പടവിൽ സ്വല്പം വെള്ളാരം കല്ലു പൊടി വിതറി കത്തിക്കു മുർച്ച കൂട്ടൽ കഴിഞ്ഞ് ആദ്യം പറഞ്ഞ മൂന്നു സ്റ്റെപ്പുകളിലവസാനത്തേതിലിരുന്ന് അയ്യപ്പൻ കൊണ്ടുവന്നു വെച്ച നാക്കിലയിലേക്ക് കായ നാലു കീറാക്ക അരിഞ്ഞിട്ടുന്നത് കാണേണ്ട കാഴ്ചയാണ്. കഷ്ണം നുറുക്കുന്നത് ഒരു കല തന്നെയാണ്. ഇല്ലത്തുള്ളവർ ഒരു ദിവസം കൂട്ടേണ്ട ഉപ്പേരി എത്ര വേണമെന്ന് ഏഴ് ശന് കൃത്യമായി അറിയാം.

നുറുക്കിയ കഷ്ണം കൃത്യ സമയത്തു തന്നെ പൂമുഖം വഴി ഇടനാഴിയിലൂടെ കടന്ന് പടിഞ്ഞാറ്റ യുടെ വടക്കെ അറ്റത്ത് കൊണ്ടു വെക്കുന്ന സമയം ശങ്കരൈശൻ്റെ മുഖഭാവവും നടപ്പും എല്ലാം വളരെ ഭവ്യതയോടെയായിരിക്കും.” ഇതി വിടെ വെച്ചിട്ടുണ്ടേ എന്ന പതിഞ്ഞ സ്വരത്തിൽ ഒരു പറച്ചിലും ‘വെക്കേണ്ട താമസം വലിയ അമ്മ അതെ ടുത്തു നേരെ അടുക്കളയിലേക്ക് കൊണ്ടു പോകും. ഇല്ലെങ്കിൽ നിലം തുടക്കാൻ വരുന്ന തള്ളപ്പെണ്ണ് അറിയാതെ അതു ചവിട്ടിയാലോ ?

ഭാഗം 1

മുടവന്നൂർ ഗ്രാമത്തിന്റെ മദ്ധ്യ ഭാഗത്തായി മുള്ളു വേലി യാൽ മറയ്ക്കപ്പെട്ട മൂന്നേക്കർ സ്ഥലത്താണ് നമ്മുടെ ഇല്ലം സ്ഥിതി ചെയ്യുന്നത്. പടിഞ്ഞാറും തെക്കും ഓരോ പടിപ്പുരകൾ . അതിനകത്ത് പത്തായപ്പുര – മാളികപ്പുര – കുളപ്പെര – തെക്കെകക്കൂസ്സ് – കിഴക്കെകക്കൂസ് . പശുത്തൊഴുത്ത് . തെക്കെ തൊഴുത്ത് ‘ കയ്യാല . – അങ്ങിനെ വിശാലമായ സമുച്ചയം. പടിഞ്ഞാറെ പടിയാണ് പ്രധാന കവാടം. രാത്രി അടച്ചിടും വൈകി കിടക്കുന്ന സ്വഭാവമുള്ളതിനാൽ അടക്കുന്ന ചുമതല അച്ഛനായിരുന്നു.( കുട്ടികളുടെ മുത്തശ്ശൻ ), രാവിലെ അതാ തു കാലത്തെ ഇരിക്കണമമ മാരുടെ ചുമതലയാണ് വാതിൽ തുറന്നു വെക്കൽ .അതു കഴിഞ്ഞാൽ അവർ ചൂലുകൊണ്ട് മുറ്റമടിക്കുവാൻ തുടങ്ങും; ഞങ്ങൾ കുട്ടികൾ വലിയ അമ്മയുടെ കൂടെ പടിഞ്ഞാറെ അറയിലാണ° കിടന്നുറങ്ങാറ്. മുറ്റമടിക്കുന്ന ശബ്ദം കേട്ടാൽ ഓരോരുത്തരായി താഴേക്കു വരും. തെക്കെ പടി അടച്ചീടാറില്ല – കാര്യസ്ഥൻ ശങ്കരൈശൻ്റെ വീട്ടിലേക്കും ബോമ്പായി പറമ്പിലേക്കും പോകുന്ന എളുപ്പവഴി അതിലൂടെയാണ്. തെക്കെ പടിയോടു ചേന്നു് കന്നെ ടോഴി: രാവിലെ അയ്യപ്പൻ കന്നിനു കഞ്ഞിക്കാട്ടാൻ എത്തും.പോത്ത് – മൂരിക്കുട്ടികൾ സ്കൂ കാളകൾ ഇവയാണ് തെക്കെ തൊഴുത്തിലെ അന്തേവാസികൾ, എല്ലാം ആൺ വർഗത്തിൽ പെടുന്നവ. തലേ ദിവസം ടിൻ പാത്രത്തിൽ വേവിച്ച മുതിരയും നെല്ലും അടുപ്പത്തു സ്ഥാപിച്ചിട്ടുള്ള കുണ്ടൻ ചെമ്പിലേക്കു പകർത്തി 15 കുടം വെള്ളം ഒഴിച്ചു ചൂടാക്കി പുല്ലൊട്ടിയിലേക്ക് മരപ്പാത്തി വെച്ച് കന്നുകൾക്കു് കഞ്ഞി ഒഴിച്ചു കൊടുക്കും. ആർത്തിയോടെ കഞ്ഞി വലിച്ചു കുടിക്കുന്നതു കാണാൻ നല്ല രസമാണ്. നമ്മുടെ ഇടയിൽ പഴയ കാരണവൻമാർ ഊണിൻ്റെ അവസാനം മോരു കൂട്ടികലക്കി കഴിക്കുമ്പോളുണ്ടാകുന്ന ശബ്ദം പോലെ കഞ്ഞി കുടി കഴിഞ്ഞാൽ കയ്യാലയിൽ നിന്ന് വൈക്കോൽകന്നെടുത്ത് പുല്ലൊട്ടിയിൽ വിതറി അടുത്ത പണിയിലേക്ക് അയ്യപ്പൻ ശ്രദ്ധ തിരിക്കാം. കാര്യസ്ഥൻ വരുമ്പോഴേക്കും ഉപ്പേരിക്കഷ്ണം ഉണ്ടാക്കണം.കഷ്ണം നറുക്കുന്നത് ശങ്കരനെഴുത്തശ്ശനാണ്……….