Arikkath

ഭാഗം 14

അന്നൊക്കെ പല ചരക്കു സാധനങ്ങൾ വാങ്ങാൻ പട്ടാമ്പിയിൽ പോണം. പട്ടാമ്പി സ്റ്റോർ രണ്ടാഴ്ചക്കു വേണ്ട സാധനങ്ങളുടെ ലിസ്റ്റും കാശുമായി ചാത്തപ്പനാണ് പോയി വാങ്ങാറുള്ളത്. പട്ടാമ്പി പാലമൊന്നും ആയിട്ടില്ല. കണ്ണന്നൂർ കരിമ്പനക്കടവു വഴി നടന്നു വേണം പോകാൻ. അരി ഉണ്ടാക്കൽ ഇരിക്കണമമ മാരുടെ ഭാരമാണ്. കിഴക്കെ കള്ളിയത്ത്, പടിഞ്ഞാറെ കള്ളിയത്ത്, പറങ്ങോടത്ത്, ഈ 3 വീട്ടുകാർക്കാണ് മനക്കലെ ഇരിക്കണമ്മ സ്ഥാനം.ശങ്കരൈശൻ നെല്ല് അളന്നു കൊടുക്കും ഓരോരുത്തരും അവരുടെ വീട്ടിൽ കൊണ്ടുപോയി പുഴുങ്ങി ഉണക്കി കുത്തി അരിയാക്കി കൊണ്ടുവന്ന് വലിയ അമ്മയെ ബോദ്ധ്യപ്പെടുത്തണം. ഒരു ചായപ്പൊടിക്കാരൻ മാപ്ള മാസത്തിലൊരിക്കൽ ഇല്ലത്ത് വരും. സെയിത് മുഹമ്മദ് എന്നോ മറ്റോ ആണു പേരു്. വയനാടൻ ചായപ്പൊടിയുടെ ഏജൻ്റാത്രെ. വിലയിൽ കുറച്ചു ലാഭമുണ്ട്.
അന്നത്തെ കുട്ടികളുടെ എൻ്റർടൈ മൻ്റ് കൊല്ലത്തിൽ ഒന്നോ രണ്ടോ തവണ ഗുരുവായൂരിൽ തൊഴാൻ പു വ്വാ, ഉത്സവകാലത്ത് കണ്ണനുരമ്പലത്തിൽ പോയി ചാക്യാർ കൂത്ത്’ ഓട്ടം തുള്ളൽ, തായമ്പക, പാഠകം, തുടങ്ങിയവ കണ്ടാസ്വദിക്കൽ, കൊല്ലത്തിലൊരിക്കൽ അമ്മാത്ത് പുവ്വാ – വേറെ ഒരു ലോകം അറിയില്ല -ആയിടക്കാണ് കപ്ലിങ്ങാട്ടെ നാരണേട്ടന് എറണാകുളത്ത്‌ എൻ.ബി.എസ്സിൽ ജോലി കിട്ടിയത്.പിന്നെ എല്ലാ കൊല്ലവും നാരണേട്ടൻ വരുമ്പോൾ ഞങ്ങൾ കുട്ടകളെ പട്ടാമ്പി കൊണ്ടുപോയി സിനിമ കാണിക്കുമായിരുന്നു. നടന്നു വേണം പോക്കൻ. പുഴ കടക്കണം. ശങ്കരേശന്നും, അയ്യപ്പനും, ചാത്തപ്പനും തോളിലേറ്റിഞങ്ങളെ അക്കര കൊണ്ടാക്കും -അവരെ സിനിമക്ക് കയറ്റാറില്ല. സിനിമാക്കഥ ഇടക്ക് പറങ്ങോടത്തെ പാറോതി പറഞ്ഞു തരാറുണ്ട്. നല്ലതങ്ക എന്ന സിനിമയുടെ കഥ എത്ര പറഞ്ഞാലും മതിയാകില്ല .. പാറോതിയ്ക്ക്, ഞങ്ങൾക്കാണെങ്കിൽ അതു കേട്ടാൽ ഭയങ്കര പേടീം ആകും. കുട്ടികളെ കിണറ്റിലെറിഞ്ഞു കൊല്ലുന്ന കഥയാണ്.അമ്മാത്തേക്കു പോകുന്നതിന് മുമ്പു് വളക്കാരൻ മാപ്ലയെ വരുത്താറുണ്ട്. ഇന്ദിരോപോൾക്ക്‌ മുടി കെട്ടാൻ നാട, സ്ലേഡ്: പേൻ ചീർപ്പ് കൂട്ടത്തിൽ ചെറിയ റബ്ബർ പന്ത് ഞങ്ങളും വാങ്ങാറുണ്ട്.

ഭാഗം 13

മദ്ധ്യവേനലവുധിക്കാലം എത്താറായി. അച്ഛൻ പൂമഖത്തെ കസാലയിലിരുന്ന് ശങ്കരേഴ് ശനുമായി എന്തോ വലിയ കാര്യം ചർച്ച ചെയ്യുകയാണ്. ഓപ്പോളേര് വരുമ്പളയ്ക്കും ആകുളം എന്തെങ്കിലും ചെയ്യണം.കഴിഞ്ഞ കൊല്ലത്തെ വരവിൽ പ്രത്യേകം ഏൽപിച്ചു പോയതാണ്.വെട്ടു കല്ലുകൊണ്ടുള്ള പടവുകൾ മിക്കവാറും ഇടിഞ്ഞു നാശമാശിരിക്കുന്നു.6 മാസമായി കല്ലം മൂപ്പൻ നാരായണൻ കരിങ്കൽ പടവുകൾ ഉണ്ടാക്കിക്കൊണ്ടിരിക്കയാണ്. അതവിടുന്ന് ഇങ്ങോട്ടടുപ്പിച്ചു വിഷുവിനു മുമ്പായി പണി കഴിക്കാൻ പറ്റ്വോ ?- കാശ് ണ്ടങ്ങേഒരു മാസം കൊണ്ട് പണി തീർക്കാം. ശങ്കരേശ്ശൻ്റെ മറുപടി. അച്ഛൻ്റെ അഭിമാനബോധവും, ഇച്ഛാശക്തിയും -പിറ്റേന്നു പണി തുടങ്ങാൻ ഏർപാടായി. കുളത്തിലെ വെള്ളം വറ്റിക്കാൻ എഞ്ചിൻ കുന്നംകുളത്തു പോയി വാങ്ങി “വില്ല്യേഴ്സു് – 3 ഹോഴ്സ് പവറിൻ്റെ. തണ്ടും തടിയുമുള്ള ചെറുമക്കളെ കൂട്ടി കരിങ്കൽ പടവുകൾ അടുപ്പിച്ചു.

ദേശത്തെ പ്രമുഖ കർഷകനായ ഗോപാലൈശൻ വന്നു.എഞ്ചിൻ ഫിറ്റ്‌ ചെയ്ത് സ്റ്റാർട്ടാക്കി.തോടു വഴി കുറയിലേക്ക് വെള്ളം വിട്ടു: ചേററും ചളിയും നീക്കി കുളം വൃത്തിയാക്കി പഴയ വെട്ടുകല്ലുകളെല്ലാം കുളത്തിൻ്റെ വടക്കുവശത്തേക്കു മാറി. ചെത്തിമിനുക്കിയ കരിങ്കൽ പടവുകൾ ഓരോന്നായി കുളത്തിലേക്കിറക്കി. കുളത്തിൻ്റ പടിഞ്ഞാറുവശം അടിയിൽ നിന്നു് മേലോട്ട് പടവുകൾ പാവാൻ തുടങ്ങി. കല്ലം മൂപ്പൻ നാരായണനും, മാപ്ലയുമാണ് പടവുകാർ. മാപ്ലയുടെ പേരറിയില്ല. 10 ദിവസങ്ങൾക്കുള്ളിൽ പടവും കഴിഞ്ഞു.പുതിയ കുളപ്പരയും തീർത്തു.ആ ദിവസങ്ങളിൽ മോട്ടോർ അടിക്കുന്നതു കാണാനും, മത്സ്യം പിടിക്കാനുമായി എത്ര ആളുകളാണ് വന്നു പോയത് ന്ന റി യു മോ? ഒരു ഉത്സവം പോലെയായിരുന്നു. കല്ല് എറ്റിയിരുന്ന ചെറുമക്കൾ” ഐല സ, പാടിയാണ് പണിയെടുത്തിരുന്നത്. വിഷു കഴിഞ്ഞ് പിറ്റെന്നാൾ തന്നെ ഇല്ലം വിരുന്നുകാരെ കൊണ്ട് നിറഞ്ഞിട്ടുണ്ടാകും. എനി 1 മാസം അമ്മമാർക്ക് തിരക്കോടു തിരക്കു തന്നെ. മഹളേരും, മരുമ ഹളേരും, അവരുടെ കുട്ടികളും എല്ലാം കൂടി മുപ്പതോളം പേരുണ്ടാകും.ഇല്ലത്തെ എല്ലാ മുറികളും ആളുകളാകും. അച്ഛൻ എങ്ങിനെയാണിതെല്ലാം മേനേജ് ചെയ്തിരുന്നതെന്ന് ഇപ്പോൾ ആലോചിക്കുമ്പോൾ ഒരു രൂപവുമല്ല. ഞങ്ങൾ കുട്ടികൾ കുട്ടിപ്പുരയുണ്ടാക്കി കഞ്ഞി വെച്ചു കളിച്ചും, ചിരട്ട അപ്പം ഉണ്ടാക്കി കളിച്ചതും കള്ളനും പോലീസുമായി കളിച്ചതും ഇന്നും ഓർക്കാൻ ഒരു രസം. മാവിൻ ചുവട്ടിൽ രാവിലെ അലുമിനിയച്ചെമ്പുമായി മാങ്ങ ശേഖരിക്കുന്നത് ഞങ്ങളുടെ ഡ്യൂട്ടി ആയിരുന്നു, അതിനിടക്ക് ഒരു ദിവസം മാങ്ങ കിട്ടിയില്ല’. അടാമ്പുറത്തെ ചെക്കൻമാർ നേരത്തെ വന്ന് മാങ്ങ പറുക്കിക്കൊണ്ടു പോയീന്ന് വിവരം കിട്ടി. വേലി പൊളിച്ചു് കടന്നാണ് മാങ്ങ എടുത്തതത്രേ. അന്നു വൈകുന്നേരം അവർ വരുന്ന വഴിയിൽ അയ്യപ്പനെ കൊണ്ട് ഒരു കുഴിയുണ്ടാക്കി അതിനു മുകളിൽ ചുള്ളിക്കമ്പുവെച്ച്ചപ്പിലകൊണ്ട് മൂടി.പിറ്റെ ദിവസം നേരത്തെ കാത്തിരുന്നു. രണ്ടു ചെക്കന്മാർ വേലി ചാടിവന്ന് കുഴിയിൽ വീണു. ഓടിച്ചെന്ന വരെ ചെവി പിടിച്ചു പടിഞ്ഞാറെ പടിവഴി പുറത്താക്കി.വാതിലടച്ചു. വഴി അറിയാതെ അവർ കരഞ്ഞു.ശങ്ക രേശൻ്റെ അനിയൻ്റെ മക്കളായിരുന്നു അവരെന്നു് പിന്നീടാണറിഞ്ഞത്,

ഭാഗം 12

വടക്കിനിയുടെ വടക്കുവശം അഴ്യാ കപ്പുര .വടക്കനിയിൽ നിന്ന് നേരിട്ട് വഴിയല്ല’: നീളത്തിൽ ഒറ്റമരത്തിൽ തീർത്ത 3 അഴികളും അഴിവാതിലും. പടിഞ്ഞാറേ എടാഴീക്കൂടെയൂം അടുക്കളയിലൂടെയും പ്രവേശന വാതിലുകളുണ്ട്‌. വടക്കിനിക്കും, തൊട്ടിക്കും ഇടയിലുള്ള ഭാഗമാണു് പടിഞ്ഞാറെ ഇs നാഴി. അടച്ചൊറ പ്പുള്ള മുറിയാണത്‌. തേങ്ങാ പിണ്ണാക്ക് ‘കടലപ്പിണ്ണാക്ക്, കാലിത്തീറ്റ തുടങ്ങിയവ നിറച്ചു വെച്ചിട്ടുള്ള പ്ടാവുകൾ പുളിങ്ങഭരണി പഴയ ചാക്കുകൾ ചേമ്പ്, ചേന, ചക്കക്കുരു ഇവയുടെ സൂക്ഷിപ്പുമുണ്ട്. തൊട്ടി – ഇരിക്കണമ്മ മാരുടെ മുറിയാണ്.അഴിയകത്തെ മരപ്പടിയിൽ ചാരിയിരുന്ന് ഉറങ്ങാൻ സുഖമാണ്. അന്തർജനങ്ങൾ ഉച്ചക്ക് ഊണുകഴിഞ്ഞ് മൂന്നും കൂട്ടുന്നത് അവിടെയിരുന്നാണ്. പതിവു് ‘ഇരിക്കണമ്മമാരുടെ പണിയായ കൂട്ടാനുള്ള കഷ്ണം നുറുക്കുന്നത് അഴിയ കത്തു വെച്ചിട്ടാണ്. കഷ്ണം നുറുക്കുന്ന സമയത്ത് വടിക്കിനിയുടെ അഴിവാതിൽ തുറന്നു വെക്കണത്രെ! ഇരിക്കണ മമ മാരിൽ ചിലർ മുമ്പു്നു റുക്കാൻ കൊടുത്ത കഷ്ണത്തിൽ നിന്ന് കുറച്ച് മോഷ്ടിക്കുമായിരുന്നൂ ത്രെ. അഴിയ കത്തു വെച്ചാണ് വെളുത്തേടത്തോൾ അലക്കി കൊണ്ടുവന്ന തുണികൾ എണ്ണം നോക്കുന്നത്‌. ഒരു വലിയ ഭാണ്ഡത്തിലാണ് കൊണ്ടുവരാറു്. വലിയ അമ്മയും, അമ്മയും കൊണ്ട് വന്നത് അടയാളം നോക്കി പരിശോധിച്ചു എണ്ണം ഉറപ്പുവരുത്തി വേറെ വേറെ തരം തിരിച്ചതിനു ശേഷം വെളുത്തേടത്തെ കാർത്യായനിക്ക് ചോറുകൊട്ക്കും. കുലിയായി അരിയും – അലക്കി കൊണ്ടുവന്നത് മോളിലെ മച്ചിൽ കൊണ്ടുപോയി അവരവരുടെ കാൽ പെട്ടിയിലേക്ക് എടുത്തു വെക്കും. കൂറ വരാതിരിക്കാൻ കൂറഗുളിക വെയ്ക്കും.അക്കാലത്ത് ഞങ്ങൾ കുട്ടികളുടേതായിട്ടുള്ള ഒരു ഡ്രസ്സുകളും അലക്കാൻ കൊടുത്തു കാണാറില്ല. എണ്ണക്കുറവും ഒരു കാരണമാവാം. നല്ല മണമുള്ള മുറി എന്ന് പ്രീതി വിശേഷിപ്പിച്ചതാണ് ഈ മച്ച്.സ്ത്രീകളുടെ ഡ്രസ്സ്, ആഭരണങ്ങൾ, മേക്കപ്പ് സാധനങ്ങൾ ഒക്കെ ഈ മുറിയിലാണുണ്ടാവുക. അന്ന് മേക്കപ്പ് സിമ്പിളാണ്. ചുമരിൽ ഒരു വലിയ കണ്ണാടി’ ചാന്തും കുപ്പി, കൺമഷിഡപ്പി, ചീർപ്പ് ഇവജനൽ പടിയിലും വെക്കും.സാവിത്രി ച്ചെറിയമ്മയുടെ പെട്ടി വന്നതിനു ശേഷം ജനൽ പടിയിൽ ഒരു പൗഡർ ടിന്നുകൂടി വന്നു.

ഭാഗം 11

അങ്ങനെയാണ് ശങ്കരേശനുമായി ഇക്കാര്യം സംസാരിക്കാനിടയായത്. ജ്യോത്സ്യൻ കുട്ടൻ നായരും അവിടെയുണ്ടായിരുന്നു.പങ്ങൻ എന്താ പറഞ്ഞത് ?-എഴ് ശൻ്റെ ചോദ്യം. ഉണ്ടായ കാര്യങ്ങളെല്ലാം വള്ളി പുള്ളി വ്യത്യാസമില്ലാതെ ഞങ്ങൾ പറഞ്ഞു ‘ എന്നേപ്പത് ണ്ടായ്യേ ?ഏയ് ശൻ വീണ്ടും ചോദിച്ചു. മിന്യാന്നുച്ചക്ക്. മിന്യാന്നുച്ചക്കോ -പങ്ങനോ ?- ഓൻ ചത്തിട്ടിപ്പൊ കാലെത്ര്യായി, സ്വപ്നം കണ്ടതാവും. അപ്പൊ മിന്യാ ന്നി വിടെ രുന്ന് ഊണ് കഴിച്ചതാരാ; ഞങ്ങൾ പരസ്പരം നോക്കി. അതു വരെ ഒന്നും മിണ്ടാതിരുന്ന കുട്ടൻ നായർ ഒരു ശ്ലോകം ചൊല്ലി ഞങ്ങളോട് പറഞ്ഞു.മരിച്ചു പോയ ചിലർ ഇടക്ക് നമ്മടെ എടേല് വരും അതൊന്നും കാര്യമാക്കണ്ട. മരിക്കുന്നതിനു മുമ്പ് അയാൾക്ക് ഒരു ദിവസമെങ്കിലും ഇല്ലത്തു പാർക്കാൻ മോഹണ്ടായിട്ടുണ്ടാകും. അതിൻ്റെ ബാക്ക്യാണി തൊക്കെ ‘. ഇനിയും പല ആത്മാക്കളും ഇവിടെ വന്നും പോയും കൊണ്ടിരിക്കും അവരുടെ ഒരു സങ്കേതമാണ് ഈ സ്ഥലം. ആരും ഭയപ്പെടരുത്.കുട്ടൻ നായർ പറഞ്ഞു നിർത്തി.

തുറക്കാത്ത മുറിയെ പറ്റി ചിന്തിക്കേണ്ട എന്നും ഞങ്ങൾ തീരുമാനിച്ചു. വല്ല്യേ കുഞ്ച്വമ്പൂരിടെ മരണം തൊട്ടമുറീലല്ലേ ഉണ്ടായ്യേ, ആ മുറീല് എന്തു കേടുണ്ടായിട്ടാ: കട്ടൻ നായർ ഏഴ് ശനോടായി ചോദിച്ചു. അത് പനി പിടിച്ച് മരിച്ചതാ.കണ്ണന്നൂരമ്പലത്തീന്ന് വരുമ്പൊ കുറേല് മുമ്പു കാണാത്ത ഒരു കഴൽ’ പറേൻ കണ്ട നായിരുന്നൂ ത്രെ. ആളുമാറി ഒടിച്ചതാ.ഇല്ലത്ത് വന്ന് ഒത്തമോളിൽ പോയി കടന്നു. ഡോ. കൃഷ്ണയ്യരുടെ മരുന്നുകൾക്കു പോലും രക്ഷപ്പെടുത്താൻ കഴിഞ്ഞില്ല. ഏഴാം ദിവസം കഴിഞ്ഞു കുട്ടികൾ ഇതൊന്നും ശ്രദ്ധിക്കേണ്ടെന്ന ഒരു ഉപദേശവും തന്നു് വള്ളുവനാട്ടിടെ ജ്യോതിഷ രാജാവു് കട്ടൻ നായർ മടങ്ങി ‘.

ഭാഗം 10

ഒരു സാങ്കല്പിക സൃഷ്ടിയാണിന്നത്തേ തെന്ന് പലർക്കും തോന്നാം. ആ മുഖമായി പറഞ്ഞെന്നേയുള്ളൂ – കു-കൃ- സു ഇവർക്കങ്ങിനെ തോന്നാനിടയില്ല. അവരുടെ സപ്പോർട്ടോടെ എഴുതുക തന്നെ. കയ്യാലയുടെ ചിതൽ പിടിച്ച കഴുക്കോൽ മാറ്റുവാൻ പങ്ങനാശാരി വന്ന ദിവസം. പണി ഉച്ചയ്ക്കു തീർന്നു. ഊണുകഴിഞ്ഞ് ഒരു ഉറക്കം കൂടി കഴിഞ്ഞേ അയാൾ പോകൂ. ഊണു കാണുവാൻ നല്ല രസമാണ്. പത്തായപ്പുരയുടെ കോലാമ്പിൽ വെച്ചാണ് ഊണ്.ഒരു കുട്ടിച്ചെമ്പു് നിറയെ ചോറും, ഒരു മരിക പുളിങ്കറിയും, കായപ്പേരി കടുമാങ്ങയും. ഉരുട്ടി വിഴുങ്ങുക എന്നു കേട്ടിട്ടേള്ളൂ. ഇപ്പോൾ നേരിട്ടനുഭവിച്ചു.ഈണു കണ്ടു നിന്നിരുന്ന ഞങ്ങളോട് 3 ചോദ്യം ചോദിച്ചു.

ചോദ്യം 1 – പൂമോത്ത്ന്ന് കിഴക്കെ അറ്റം വരെ എത്ര മുറിയുണ്ട് ?
ഉത്തരം – 4 മുറി – പുറത്തളം, പത്തായം. മച്ചു്. അറ.

ചോദ്യം 2 – ആദ്യത്തെ നിലയിൽ എത്ര മുറി ണ്ട് ?
ഉത്തരം – 4 മുറി – പടിഞ്ഞാറെ അറ, പത്തായം: മോളിലെ മച്ച്, കിഴക്കെ അറ.

ചോദ്യം 3 – രണ്ടാം നിലയിൽ എത്ര മുറി ?
ഉത്തരം – 3 മുറി ഒത്ത മോൾ, അച്ഛൻ്റെ മോൾ, തളം: ഞങ്കട മുറി കണ്ടിട്ടില്ലേ ?

ഒത്തമോളി നും അച്ചൻ്റമോളിനു മിടക്കു് മോളിലെ പത്തായത്തിനു മുകളിൽ ‘വളരെ ആകാംക്ഷയോടെ ഞങ്ങൾ പങ്ങനാശാരിയോട് അതിലേക്കുള്ള വഴി തിരക്കി.അതിൽ നിറയെ ആത്മാക്കളാണത്രെ, ഒറ്റക്ക് ഉച്ച സമയത്തും നട്ടപ്പാതിരക്കും തളത്തിൻ്റെ ഭാഗത്ത് ചെന്ന് ചെവിയോർത്താൽ അതനുഭപ്പെടുമെന്നും ഞങ്ങളെ ധരിപ്പിച്ചു.

അങ്ങിനെയാണ് ഒരു ദിവസം …

ഭാഗം 9

പൂമുഖം കടന്നാൽ അവിടെ നിന്ന് കിഴക്കെ അറ്റം വരെ നീണ്ട ഇടനാഴിയാണ് ‘ .അതിൻ്റെ തെക്കുഭാഗത്ത് പൊറത്താളം, കോണിക്കെട്ട്, പത്തായം, മച്ച്, അറ തുടങ്ങിയ മുറികൾ,. കട്ടിയുള്ള നിരപ്പലകകൾ കൊണ്ടാണ് മുറികൾ വേർതിരിച്ചിരിക്കുന്നത്. ഓരോ മുറിക്കും പ്രത്യേകം പ്രത്യേകം വാതിലുകൾ. വാതിൽ തുറക്കുന്ന ശബ്ദം കേട്ടാലറിയും ഏതു മുറിയാണു തുറക്കുന്നതെന്ന്.ഓരോന്നിനും വ്യത്യസ്ഥമായ സംഗീതാത്മക ശബ്ദം. പുറത്താളത്തിൽ ഇല്ലത്തെയും, അമ്പലങ്ങളിലെയും പല കണക്കുകളും സൂക്ഷിക്കുന്ന വലിയമേശയും, ഒരു ചെറിയ അലമാറയും, കാൽ പെട്ടിയും വെച്ചിട്ടുണ്ടാകും. സ്ത്രീകൾക്കും കുട്ടികൾക്കും പ്രവേശന സ്വാതന്ത്ര്യം കുറവാണ്. കോണിക്കെട്ടുകഴിഞ്ഞു പത്തായം എന്നും നെല്ലുണ്ടാകും.പത്തായത്തോടു ചേന്ന് മച്ച്.അരി നിറച്ചു വെച്ചിട്ടുള്ള പ്ടാവുകൾ’ വെളിച്ചെണ്ണ ഭരണി മോര് നിറച്ചിട്ടുള്ള ചെറു ഭരണികൾ തുടങ്ങി ഉപ്പുതൊട്ട് കർപ്പൂരം വരെയുള്ള സാധനങ്ങളുടെ സൂക്ഷിപ്പ് അവിടെയാണ് – അറ എന്ന പേരുള്ള കിഴക്കെ അറ്റത്തെ മുറി സ്ത്രീകളാണ് അധികം ഉപയോഗിക്കാറ്. ഒഴിവുകാലത്ത് അച്ഛൻ പെങ്ങൻമാർ വന്നാൽ അവരുടെ സഞ്ചിയും ബാഗുമെല്ലാം അവിടെ സൂക്ഷിക്കും. രാത്രിയിലെ കിടപ്പും അവിടത്തന്നെ ‘പ്രസവിച്ചു കിടക്കുന്നതിനും അറതന്നെ ശരണം’ പണ്ടൊന്നും പ്രസവത്തിന് ആശുപത്രിയിൽ പോക പതിവില്ല. വളക്കത്രോൾ വന്ന് പ്രസവം എടുത്തു പോകയാണു പതിവു്. പ്രസവം കഴിഞ്ഞ് ഉണ്ണിയാണെങ്കിൽ ആർപ്പുവിളിച്ച് നാട്ടുകാരെ അറിയിക്കണം. എത്രയോ പേറ്റുനോവുകൾക്ക് സാക്ഷ്യം വഹിച്ച മുറിയാണത്. മുറിയുടെ പടിഞ്ഞാറുവശം ചേന്ന്‌ മേലോട്ടുള്ള കോണി.ആ കോണി കയറിയാൽ വലതു വശത്ത് വീണ്ടും മുകളിലേക്കുള്ള കോണി”ഒറ്റക്ക് ഒരാൾക്ക് ആ കോണി കയറുവാൻ പറ്റില്ലാത്രെ, ആ കോണി കയറിയാൽ ഒരു വലിയ തളത്തിലെത്തും: മുകളിലേക്കു നോക്കിയാൽ തട്ടിൻപുറം. ചില അപശബ്ദങ്ങൾ കേൾക്കാം. തളത്തിൻ്റെ പടിഞ്ഞാറായി അച്ഛൻ്റെ മോൾ (അച്ഛൻ്റെ മുറി) അതിനുള്ളിൽ കയറി വാതിലടച്ചാൽ പ്രശ്നമൊന്നുമില്ല.അതിനോടു തൊട്ടമുറിയാണ്”

ഭാഗം 8

പടിഞ്ഞാറെ എറയത്തോടു ചേർന്നാണെങ്കിലും രണ്ടര അടിയെങ്കിലും ഉയർന്നാണ് പടിഞ്ഞാറ്റ ‘കിഴക്കെ ഭാഗം വീതികൂടിയതും കട്ടിയുള്ള തുമായ മരത്തടി. നല്ല മിനുസം .ഉച്ചനേരത്ത് കിടന്നുറങ്ങാൻ വേറെ എങ്ങോട്ടും പോണ്ട. നാലു ഭയങ്കര തൂണുകൾ ‘പടിഞ്ഞാറ് ഭാഗത്ത് ഒരു പ്രത്യേകതരം അഴി. പുറത്തേക്കു നോക്കിയാൽ പൂമുഖവും, പത്തായപ്പുരയും. പടിപ്പുരയും – അവിടെയുള്ള ആളുകളെ യൊക്കെയും കാണാം’ എന്നാൽ പുറമെ നിന്ന് ഇപ്പുറത്തുള്ളവരെ ആർക്കും കാണാൻ കഴിയില്ല. അഴികൾക്കിടയിലൂടെ നല്ല കാറ്റ് പടിഞ്ഞാറ്റയിലേക്കു ഒഴുകി വരും. അമ്മ പണിയെല്ലാം കഴിഞ്ഞ് ക്ഷീണം തീർക്കാൻ അവിടെ പലപ്പോഴും ഇരിക്കുന്നത് കണ്ടിട്ടുണ്ട്‌.’

ഈ പടിഞ്ഞാറ്റയിൽ കിഴക്കുപടിഞ്ഞാറായി അഞ്ചു കയറുകൾ സ്ഥിരമായി കെട്ടിയിട്ടുണ്ടാകും. ഈ റ ൻ തുണികൾ ഉണക്കാൻ വേണ്ടി. അന്നൊന്നും മിററത്ത് തുണികൾ തോ രടാറില്ല.. എന്നാൽ ഭഗവതി പാട്ടിൻ്റെ അന്നും, തിരുവാതിരക്കും ആ കയറുകൾ അഴിച്ചു വെക്കണം. നമ്മുടെ പരദേവതയായ കൊടിക്കുന്നത്തമ്മയ്ക് എല്ലാ കൊല്ലവും പാട്ടു നടത്തുന്നത് പടിഞ്ഞാറ്റയിൽവെച്ചാണ്.സന്ധ്യയ്ക്കു മുമ്പു് കളം വരക്കു വാൻ രണ്ടു കുറ്പ്പ് മാരെത്തും.കുരുത്തോല തൂക്കി അലങ്കരിക്കുന്നതും അവർ തന്നെ,. സന്ധ്യയോടെ ഉറിയ മഠം വന്ന് കളംപൂജ. തത്സമയം കുറുപ്പ്മാരുടെ വക ന ന്തുണിപ്പാട്ട്. പൂജ കഴിയുമ്പളയ്ക്കും വെളിച്ചപ്പാട് കുളിച്ചെത്തി നൃത്തം ചെയ്യുന്നു. അവസാനം കുരുത്തോല വെട്ടുന്നു. കളം മായ്ക്കുന്നു, തുടർന്ന് കല്പന, തിരുവാതിരക്ക് ഊഞ്ഞാൽ ഇടുന്നത് വിട്ടത്തിൻ്റെ മുകളിലാണ്. തടസ്സമില്ലാതെ ഊഞ്ഞാലിൽ ആടുവാനാണ് കയറഴിക്കുന്നത്. മാത്രമല്ല തിരുവാതിര ദിവസം സ്ഥലത്തെ പെണ്ണങ്ങൾ തിരുവാതിരക്കളി നടത്തുന്നത് പടിഞ്ഞാറ്റേ ലാണ്.അമ്മയും, ചെ റിയമ്മമാരും, മുട്ടപ്പെണ്ണ്, പാറോതിപ്പെണ്ണ്, ലക്ഷ്മി, മീനാക്ഷി ദേവകി കല്യാണി തുടങ്ങി മേജർസെറ്റിൻ്റെതായിരിക്കും ആദ്യത്തെ കളി ആൺകുട്ടികൾ പടിഞ്ഞാറെ മുറ്റത്ത് തലപ്പന്തുകളിയിലായിരിക്കും……..

ഭാഗം 7

ഊണു കഴിഞ്ഞാൽ നടുമിറ്റത്തിൻ്റെ വടക്കു കിഴക്കെ മൂലയിലുള്ളകുപ്പയിലേക്കാണ് കൈകഴുകുക. എന്നാൽ കുഞ്ചോയ്ക്കൻ പടിഞ്ഞാറ് ഭാഗത്ത് കരിങ്കല്ലിൽ ആണ് ആദ്യം കാൽ കഴുകുന്നതും (കാൽ കഴുകിക്കുന്നത് അച്ഛനാണ്) ഊണു കഴിഞ്ഞ് കൈകഴുകുന്നതും. നടുമുറ്റത്തിൻ്റെ മൂന്നു ഭാഗത്തേ എറേം (കോലായ) ഉള്ളൂ. പടിഞ്ഞാറ്റ, വടക്കി ണി, കെ ഴ്ക്കി ണി’ഭാഗങ്ങളോടു ചേർന്ന്‌.തെക്കുഭാഗം മാളികപ്പുരയാണ്. പക്ഷേ ഭാഷാപ്രയോഗത്തിൽ നാലെ റേത്ത് എന്നാണ് പറയാറ്. ചെറിയ സദ്യയൊക്കെ നടത്തുന്ന സന്ദർഭങ്ങളിൽ പടിഞ്ഞാറേ റലും നാലെ റേത്തും ഇല വെക്കാറുണ്ടു്.എ റേത്ത് കഴുക്കോലിൽ തെക്കുവടക്കും, കിഴക്കുപടിഞ്ഞാറുമായി സ്ഥാപിച്ചിട്ടുള്ള ചെത്തിമിനുക്കിയ മൂത്ത മുളയിൽ ഒരു വർഷത്തേക്കു ആവശ്യമായ കുമ്പളങ്ങ, മത്തങ്ങ വെള്ളരിക്ക എന്നിവ കെട്ടിത്തൂക്കിയിട്ടുണ്ടാകും. മോളിലെ എടാഴി കളിലും ഇങ്ങിനെ തൂക്കിയിടാറുണ്ട്. എലിയുടെ ശല്യം ധാരാളമുള്ളതിനാൽ കെട്ടിത്തൂക്കുന്ന കയറിൽ കവുങ്ങിൻ പാളമുറിച്ച് തടസ്സം വെക്കാറുണ്ട്. അപ്പോൾ എലിക്ക് തൊടാൻ പോലും കിട്ടില്ല. അധികം ഇല്ലങ്ങളിലൊന്നുമില്ലാത്ത ഒരു വിശേഷം നടുമുറ്റത്തെ പ്രതിഷ്ഠയാണ്. അരിക്കത്തും, കിഴുപ്രക്കാട്ടും. അക്കൂരത്തും മാത്രമേ ഈ തരത്തിലുള്ള പ്രതിഷ്ഠയുള്ളൂ അക്കൂരത്ത് ഇപ്പോൾ ഇല്ല.. കണ്ണന്നുരിൽ നിന്ന് ഞാങ്ങാട്ടിരി യിലേക്കു് പോകേണ്ടി വന്നപ്പോൾ അവിടെയിട്ടു പോയെന്നാണ് അറിവു്. രക്തേശ്വരി, മണികണ്ഠൻ മാർ എന്നാണ് പറയുക- .ഇവർക്കു പുറമെ പാതിരാ പഞ്ചമിയും ഉണ്ട്. മാത്രമല്ല പരിവാരങ്ങളായി നിധി ഭൂതം, ബാല ശാസ്താവു് നാഗയക്ഷി, നീല ഭട്ടക ധാരി, ബാലഹ നൂമാൻ, ഭഗവതി ഇവ രും ഉണ്ട്. ശൈവ ആചാരപ്രകാരം തമോ ഗുണ പ്രധാനമായ ദേവതകൾക്ക് ഉപാസനാ ശക്തിയുള്ള തന്ത്രിമാരാണ് ഗുരുതി വർഷത്തിലൊരിക്കൽ നടത്താറുള്ളത്. സന്ധ്യക്കാണ് ഗുരുതിയും, സർപ്പ പൂജയും നടത്താറ്. മഞ്ഞളും, ചണ്ണാമ്പും ചേത്ത്‌ വെള്ളത്തിൽ കലക്കി നിലത്തൊഴുക്കും. അപ്പം അട, മലർ പായസം ‘ ഇവ ഉണ്ടാക്കാൻ പരികർമിനേരത്തെ വരും. അണ്ടലാടിയാണു് ഗുരുതി നടത്താറുള്ളത്.കുടുംബ ദോഷങ്ങൾ തീർത്ത് സ്വസ്ഥതയുണ്ടാക്കാനാണത്രെ ഗുരുതി നടത്തുന്നത്..

ഭാഗം 6

പൂമുഖത്തു നിന്ന് അകത്തേക്ക് പ്രവേശിക്കുന്ന വാതിലിൽ ചില അലങ്കാരപ്പണികളെല്ലാം ഉണ്ടായിരുന്നു. പുറത്തൂ നിന്ന് പൂട്ടുവാൻ കഴിയില്ല. പഴയ ഇല്ലങ്ങളിലെല്ലാം അങ്ങിനെയാണ്‌. ഇല്ലം പൂട്ടിപ്പോകാൻ പാടില്ല. എന്നും ആരെങ്കിലും ഇല്ലത്തുണ്ടാകണം. ഹോമകുണ്ഡത്തിൽ എന്നും തീജ്വലിച്ചുകൊണ്ടിരിക്കണം” ഇല്ലത്ത് വടക്കിനിയിലാണ് ഹോമകുണ്ഡം. നമ്മുടെ മുൻ തലമുറകളിൽ ധാരാളം സോമയാജിപ്പാടന്മാരും, അ ടീരിപ്പാടന്മാരും ജീവിച്ചിരുന്നുവെന്നതിൻ്റെ തെളിവുകൂടിയാണ് ആ ഹോമകുണ്ഡം’ ഇല്ലത്തെ തേവാരക്കുണ്ടും വടക്കിനിയിലാണ്. പടിഞ്ഞാറ് ഭാഗത്തേക്ക് ദർശനമായി.ആ ത്തേമ്മാരുകളാണ് ദിവസവും നേദിക്കാറുള്ളത്.നാലെറേത്തു നിന്നും, മേലടുക്കളയിൽ നിന്നും വടക്കിനിയിലേക്ക് പ്രവേശിക്കാനായി രണ്ടു വാതിലുകളുണ്ട്. മേലടുക്കളയിൽ നിന്നുള്ള വാതിൽ എന്നും തുറന്നു വെച്ചാണിരിക്കുക ചാത്തം പോലുള്ള വിശേഷ ദിനങ്ങളിലേനാലെ റേത്തു നിന്നുള്ള വാതിൽ തുറക്കാറുള്ളൂ. മുത്തശ്ശൻ്റെ യും ,മുത്തശ്ശിയുടെയും, വല്യച്ഛൻ്റെയും ചാത്തത്തിന് വല്യപ്പനും, മാധ പ്ഫനും കൂടാറുണ്ട്. അമ്മമാർ 3 മണിക്ക് കുളിച്ച് ശുദ്ധമായി ക വ്യാൻ ചോറും, എരിശേരി, മുള വെള്ളം, പ്രഥമൻ തുടങ്ങിയ ചാത്ത സദ്യ ഒരുക്കുന്ന തിരക്കിലാകും ,കുഞ്ചോ യ്ക്കനാണ് ചാത്തം ഊട്ടിക്കൽ.ചാത്തം ഉണ്ണാൻ ഉറിയ മഠവും’ചാത്ത സദ്യയുടെ വിഭവങ്ങൾക്ക് ഒരു പ്രത്യേക മണവും സ്വാദുമാണ്. ഓർക്കുമ്പോൾ വായിൽ വെള്ളം വരും ഇന്നും ‘കഞ്ചോ യ്ക്കൻ ഊണുകഴിക്കുന്നത് കണ്ട് നിൽക്കാൻ തന്നെ ഒരു രസമായിരുന്നു. അടുത്ത ഊഴം പിതൃക്കൾക്ക് .കിഴക്കോട്ടുള്ള വാതിൽ തുറന്ന് പ്രത്യേകം മെഴുകിയ സ്ഥലത്ത് പിണ്ഡം വെച്ച് കൈ കൊട്ടിയാൽ കാക്കയുടെ രൂപത്തിൽ വന്ന് കൊത്തി പോകൽ കഴിഞ്ഞേ ഞങ്ങൾ ഭക്ഷണം കഴിക്കാറുള്ളൂ

ഭാഗം 5

ഇല്ലത്തെ പൂമുഖത്തിന് ഒരു പാടു പ്രത്യേകതകളുണ്ടായിരുന്നു. മൂന്നു ഭാഗവും നല്ല കനത്തിലുള്ള ഇരൂൾ തടികൊണ്ടുളപടി യോടുകൂടിയത്.ചിത്രപ്പണിയോടുകൂടിയ ഉരുണ്ട തൂണുകൾ ഉത്തരം താങ്ങികളായി നിൽക്കുന്നു ‘തെക്കോട്ടും, പടിഞ്ഞാട്ടും നടവഴികൾ – മൂന്നു ഭാഗത്തും ഒരു മീറ്റർ വീതിയിൽ കോലായ .ആ പൂമുഖപ്പടിയിൽ ഇരുന്നാൽ തന്നെ നല്ല എനർജി കിട്ടും.നാരണപ്പനും, കൃഷ്ണപനും, കഞ്ഞപ്പനും മിക്കവാറും ദിവസങ്ങളിൽ അവിടെ വന്നിരിക്കാറുണ്ട്.ഒരു തുറന്ന കോടതി കൂടിയാണ് നമ്മുടെ പൂമുഖം. നാട്ടിലെ അടിപിടി ലഹള, എതതർക്കം, കളവു് തുടങ്ങിയ കേസുകൾക്ക് പരിഹാരം കാണന്നത് ഈ പൂമുഖത്തുനിന്നാണ്. വക്കീൽ മാടമ്പിയുടെ കേസ് പ്രമാദമായ ഒന്നായിരുന്നുവത്രെ. അച്ഛനും, നാ രണപ്പനും, മാധവൻ നായരും, ഇ-ടി. കുഞ്ഞനും കൂടി മൂന്നു സിറ്റിങ്ങിൽ കേസവ സാനിപ്പിച്ചു. കളവും കൊലപാതക ശ്രമവുമായിരുന്നു. അച്ഛനാണു് വിധി പറയാൻ.മാടമ്പിയെ ഈ നാട്ടിൽ നിന്നു പറഞ്ഞയക്കാൻ തീരുമാനിച്ചു. നാളെ തന്നെ പോണം. തൃശൂർ ജില്ലയിലെ പുതുശ്ശേരിയിൽ സ്ഥലവും വീടും സൗകര്യപ്പെടുത്തിക്കൊടുക്കുക എന്ന ദൗത്യവും മദ്ധ്യസ്ഥന്മാരുടെ ചുമതലയിലായിരുന്നു. മുടവന്നുരി ൽ മാടമ്പിയുടെ പേരിലുള്ള രണ്ടര ഏക്കർ പറമ്പും പുരയിടവും വിററാണ് പോയത്. സ്ഥലം വാങ്ങിയത് ശങ്കരൈശനായിരുന്നു. ഇതു പോലെ ഒരു പാട് മദ്ധ്യസ്ഥതകൾക്ക് സാക്ഷ്യം വഹിച്ചിട്ടുള്ള പൂമുഖം ……..