Arikkath

ഭാഗം 23

ആകൊല്ലത്തെ മകരക്കൊയ്ത്ത് നാട്ടിൽ ഉത്സവം പോലെയായിരുന്നു. തൈനാൻ എന്ന ഏറ്റവും പുതിയ നെൽവിത്തു കൊണ്ടാണ് കൃഷിയിറക്കിയത്. പട്ടാമ്പി കൃഷി കേന്ദ്രം തിരഞ്ഞെടുത്ത 10 കർ ഷകരെയാണ് കൃഷിയിറക്കാൻ ഏല്പിച്ചത്. അതു കൊണ്ടു തന്നെ കൊയ്ത്തുത്സവത്തിലും മറ്റും ചില ഉദ്യോഗസ്ഥന്മാരും ഉണ്ടായുന്നു.ആദ്യമായി മെതിയന്ത്രം ഉപയോഗിച്ച് മെതിച്ചതും അന്നായിരുന്നു. നമ്മക്കട സ്ഥിരം ചെറുമക്കൾക്ക്‌ അതിൽ മെതിക്കാൻ വശമില്ലായിരുന്നു.കണക്കറായി എന്ന ഒരു മുളയൻ്റെ നേതൃത്വത്തിലായിരുന്നു മെതി, നാടൻ പാട്ടു പാടിക്കൊണ്ടാണു് പണിയെടുത്തിരുന്ന ത് – എല്ലാം കഴിഞ്ഞ് ആകെയുണ്ടായ നെല്ല് അളന്നു നോക്കിയപ്പോൾ രണ്ടേക്കറിൽ ഏറ്റവും ഉയർന്നതോതിൽ വിളവുൽപാദിപ്പിച്ചത് നമ്മടെ പാടമാണ്. പിറ്റേന്ന് പട്ടാമ്പിയിൽ വെച്ച് അച്ഛന് സ്വീകരണവും ചെറിയ എന്തോ അവാർഡും ഉണ്ടായി.

തൈ നാൻ കൃഷി ആകൊല്ലം കൊണ്ടു തന്നെ അവസാനിപ്പിച്ചു. ഊണുകഴിക്കാൻ അത്ര സ്വാദുണ്ടായിരുന്നില്ലത്രേ. ചെറിയ തോതിൽ പശ പോലെയുള്ള ഒട്ടലും. പിന്നത്തെ വിത്ത് പഴയതു തന്നെയായിരുന്നു.” മ്മക്ക് പഴേ മട്ടിലുള്ള കൃഷി തന്നെ മതി,- ചെറുമക്കൾ അഭിപ്രായം പറഞ്ഞു തുടങ്ങി. പുതിയ രീതിയിലുള്ള കൃഷി വന്നാൽ തങ്ങളൂടെ ജോലി സാദ്ധ്യത ഇല്ലാതാകുമെന്ന് പാർട്ടി അവരെ പറഞ്ഞു പഠിച്ചിട്ടുമുണ്ടല്ലോ. മെതിയന്ത്രം കണ്ടപ്പോൾ തന്നെ പലരും കുശുകുശുക്കുന്നുണ്ടായിരുന്നു. ഇനി ട്രാക്ടറും, കൊയ്ത്തുയന്ത്രവും വന്നാൽ നമ്മളെന്തു ചെയ്യും. എന്തായാലും അതൊന്നും വേണ്ടി വന്നില്ല. പത്ത് പതിനാലാൾക്കും എന്നും എന്തെങ്കിലും പണിയായി മനക്കൽ ചെല്ലാം. തോട്ടം കിള, മൊന്ത വെട്ടൽ, വേലിപ്പണി തെങ്ങിൻ്റെ കട മാന്തൽ, നെൽക്കൃഷി, പച്ചക്കറി, കവുങ്ങ് മിററം ചെത്തൽ, മമ്പണി തുടങ്ങി എന്നും പണി

ഭാഗം 22

മറ്റുള്ളവർക്ക് കലശലൂട്ടി രസിക്കാൻ വേണ്ടി ജന്മമെടുത്ത കഥാപാത്രങ്ങൾ ജീവിതത്തിൽ നമുക്ക് പല സ്ഥലത്തും കാണാൻ സാധിക്കും. എല്ലാമാസവും മുപ്പെട്ടു ശനിയാഴ്ചകളിൽ മുടവന്നൂരമ്പലത്തിൽ തൊഴാനെത്തുന്ന ഇടമന ത്രിവിക്രമൻ നമ്പൂതിരി അതിലൊരാളാണ്. മൂന്നു മണിയോടു കൂടി ഇല്ലത്തെ പൂമുഖ പടിയിൽ വന്നിരിപ്പാകും.സാധാരണ വലിയ നമ്പൂതിരിമാർ എവിടെ വെച്ചായാലും അദ്ദേഹത്തെ ഗൗനിക്കാറില്ല. എന്നാൽ കുറേശ്ശെ കലശ ലു കൂട്ടാറുണ്ട്.അതുകൊണ്ട് തന്നെ കുട്ടികളാണ് അദ്ദേഹത്തിൻ്റെ കൂട്ടുകാർ. ഹായ് നടന്ന് നടന്ന് മശങ്ങി, എന്തൊരു വെയില് എന്ന് പറഞ്ഞാണ് അദ്ദേഹം പൂമുഖത്തേക്കു കയറി വരുന്നത്, തന്നെ. തോ ർ ത്ത് മുണ്ടോണ്ട് വെയർപ്പു തുടച്ച് വീശി വീശി ഇരിക്കുക പതിവാണ്. വരുന്ന വഴിക്കുണ്ടായ എന്തെങ്കിലും അനുഭവം ഞങ്ങൾ കുട്ടികൾക്കായി പറഞ്ഞു തരും. ഇന്ന് ഇങ്ക് ട് വരുമ്പൊ എന്തെങ്കിലും ണ്ടായോന്ന് ഞങ്ങൾ ചോദിച്ചാലേ പറയൂ. ഓ – ഞാൻ പറയാൻ മറന്നു. ഇന്നു – മുരിക്കെടോ ഴിയിൽ വെച്ച് ഒരു പോത്ത് പിന്നാലെ ഓടി വന്നു, പോത്ത് കുത്തി എന്നു പറയുമെന്നാണ് ഞങ്ങൾ പ്രതീക്ഷിച്ചത് – എന്നിട്ടു വേണം കുറെ ചിരിക്കാൻ. തെക്കുഭാഗത്തെ പാറ പിടിച്ച് മേപ്പട്ട് കേറി എന്നു പറഞ്ഞപ്പോൾ ഞങ്ങളുടെ മുഖത്ത് നിരാശ പടർന്നു.ഇടക്ക് മടിയിൽ തിരുകിയ പൊടിഡപ്പി പുറത്തെടുത്തു തുറന്ന് വളരെ സൂക്ഷ്മതയോടെ ഇടതു കൈയ്ക്കുള്ളിലേക്ക് സ്വൽപം പൊടി ഇട്ടു. വലതു കൈയ് തള്ളവിരലും ചൂണ്ടാണിവിരലും ഉപയോഗിച്ച് പൊടിയെടുത്ത് മൂക്കിനകത്തേക്കിട്ടു വലിച്ചു.പിന്നെ പോത്ത് എങ്ങോട്ടാ പോയത് ന്നു് ചോദിച്ചപ്പ ” അതതിൻ്റെ പാട്ടിനു പോയീന്ന് പറഞ്ഞു. അപ്പോഴേയ്ക്കും എടാ ഴി ല് ചായ എത്തി. ഒരു ലോട്ട നിറയെ ചായയും ചെറുപഴവും. ചായ കുടി കഴിഞ്ഞു നേരെ ഉറിയ മoത്തിലെ കുളത്തിൽ കുളിച്ചാണ് അമ്പലത്തിലേക്കുള്ള യാത്ര.

ആ സമയത്താണു് കരിക്കനാളികേര മിടുവാനായി വന്നത്.മിറ്റത്തെ നടുവിൽ നിക്കുന്നതെങ്ങിൽ രണ്ടു വലിയ പൊത്തുണ്ടായിരുന്നു – മരംകൊത്തി ഉണ്ടാക്കിയതാണ്.അതിലൊരു പൊത്തിൽ നിന്ന് നത്തിൻ്റെ രണ്ടു കുട്ടികളെ എടുത്ത് താഴേക്കിട്ടു. പറക്കാറായിട്ടില്ല ഞാൻ ഒരു ഈർക്കലയെടുത്ത് അതിൻ്റെ മേലു് കുത്തി നോക്കി. പെട്ടെന്നാണ് ആരോ എൻ്റ മണ്ടയ്ക്കു് മേടിനോക്കിയപ്പോൾ തള്ളനത്ത്.ഒരു ചെറുവിരൽ നീളത്തിൽ തലയിൽ മുറിവുണ്ടായി. അവിടത്തെ തലമുടിയും പോയി. കരിക്ക ഒരു പച്ച മരുന്നു പുരട്ടി, ആരോടും പറയണ്ടാന്നും പറഞ്ഞു ‘ പിറ്റെ ദിവസത്തേക്കു വേദനയെല്ലാം പോയി. പക്ഷേ ഒരു ചെറുവിരൽ നീളത്തിൽ ആ പാട് തലയിൽ ഇപ്പോഴുമുണ്ട്.

ഞങ്ങളുടെ കുട്ടിക്കാലം മടിയുടെയും? വികൃതിയുടെയും, വാശിയുടെയും കാലമായിരുന്നു.

ഭാഗം 21

സ്ക്കൂൾ തുറന്ന് മൂന്നാം ക്ലാസിലേക്കായി.ഷാരോടി മാഷ ടെക്ലാസിലേക്ക്. മാഷെ കുട്ടികൾക്കൊക്കെ വലിയ ഇഷ്ടമാണ്. കുട്ടികൾക്ക് ഇടയ്ക്കൊക്കെ എന്തെങ്കിലും തിന്നാൻ കിട്ടും, സ്കൂൾ പരിസരം വൃത്തിയാക്കുക, പൂന്തോട്ടം വെച്ചു പിടിപ്പിക്കുക തുടങ്ങിയ കാര്യങ്ങളിൽ കുട്ടികളെ കൂടി പങ്കെടുപ്പിച്ചു കൊണ്ടുള്ള വേറിട്ട ഒരു പഠന രീതി ഷാരോടി മാഷ ടെമാത്രമായിരുന്നു അക്കാലത്ത്. എൻ്റെ താഴെയുള്ള സഹോദരൻ്റെ ഒന്നാം ക്ലാസു് പ്രവേശനവും അന്നായിരുന്നു.അമ്മുക്കുട്ടി ടീച്ചറാണ് ഒന്നാം ക്ലാസിലെ അദ്ധ്യാപിക.നല്ല സ്വീകരണമായിരുന്നു. ഓമനമുമ്പിലെ ബഞ്ചിൽ തന്നെ ഇരിക്കൂ എന്ന് പറഞ്ഞ് ലാളിച്ചും കൊഞ്ചിച്ചും ടീച്ചർ വരുതിയിലാക്കാൻ നോക്കി. ഇയാൾ മടിയനാണെന്ന് ടീച്ചർക്ക് വിവരം മുൻ കൂട്ടി ലഭിച്ചിട്ട്. മാത്രമല്ല സ്കൂൾ മാനേജർ ഹെഡു് മാസ്റ്ററോട് ഇയാളെ പറ്റി പറഞ്ഞിട്ടുമുണ്ട്. ഏതാണ്ട് പതിനൊന്നര മണിയായപ്പോഴേക്കും ഒന്നാം ക്ലാസിൽ നിന്ന് ഒരു കരച്ചിൽ. എനിക്ക് വയറുവേദനിച്ചിട്ടു വയ്യേ:: ഷാരോടി മാഷ് അടുത്തുചെന്ന് പരിശോധിച്ചു. അത്യാവശ്യം മരുന്നു കൾ മാഷ ടെ കൈയ്യിലുണ്ട്. വായ പൊളിക്കാൻ പറഞ്ഞു. എന്തോ വായിലേക്കിട്ടു.കരച്ചിൽ നിന്നു.വയറു വേദനയും മാറി – അന്ന് സ്കൂൾ ഉച്ചക്ക് വിട്ടു. ജീരകമിട്ടാ യി യാത്രെ കരച്ചിൽ മാറ്റാൻ കൊടുത്തതെന്നു് പിന്നീടറിഞ്ഞു. പിറ്റെ ദിവസം കുറയിലെ കഴലുകടക്കുന്നവരെ ശങ്കരേശനെ പറഞ്ഞയച്ചു. വയറ് വേദനയാണെന്നലറി ച്ചീറി ഇല്ലത്തേക്കു മടങ്ങി. പക്ഷേ വലിയേട്ടൻ നിർബന്ധിച്ച് സ്കൂളിൽ കൊണ്ടാക്കി – മoത്തിക്കുന്നത്തെ കൃഷ്ണൻകുട്ടിയെ ഏല്പിച്ചു.കണ്ണ് തെറ്റിയപ്പോൾ സ്കുൾ വിട്ടോടി. പിന്നിൽ ഞാനും കൃഷ്ണൻ കുട്ടിയും.പോരുമ്പോൾ ടീച്ചറോട് പറഞ്ഞൂ ത്രെ നാളെ ഞാൻ വരില്ല വ യുവേദനയാണെന്ന് – ‘പിറ്റേന്ന് സൂളിൽ പോകുമ്പോൾ വലിയേട്ട നും കൂടെ വന്നു. കുറയിലെ കഴലിൻ്റെ അവിടെയെത്തിയപ്പോൾ വയറു വേദന. കൊടുത്തു രണ്ടു പെട, ‘സ്കൂളിൽ ചെന്നിട്ടും വയറ് വേദന കുറഞ്ഞില്ല. ഉച്ചവരെ വലിയേട്ടനും കാവലിരുന്നു. പിറേറന്നു മുതൽ സ്കൂളിൽ വരേണ്ടെന്നു് ടീച്ചർ പറഞ്ഞു.പറഞ്ഞ പോലത്തന്നെ നാലു ദിവസം മാത്രമേ ഒന്നാം ക്ലാസിൽ പോയുള്ളൂ.

ഭാഗം 20

ചക്കക്കാലമായാൽ നല്ല രസമാണ്. മിക്കവാറും എല്ലാ ദിവസവും എടേലത്തേരം ചക്ക തന്നെയാകും. വടുക്കോർത്തേൻ, ക്രള കപ്ലാവ്ല്, കുറ്റീമ്പു് പൊടിച്ചേൻ, അല്ലി ച്ചൊളേൻ, പടിഞ്ഞാറപ്ലാവു് (

(കോടി കായ്ചത് ) ഇങ്ങിനെ പ്ലാവുകൾ ധാരാളമുണ്ട്. വലിയ അമ്മമടവാൾ കൊണ്ട് തുണ്ടം തുണ്ടമായി വെട്ടി മേലടുക്കളയിൽ നിരത്തി വെക്കും അമ്മ മുക്കു ചെത്തി മുളഞ്ഞു കളഞ്ഞതിനു ശേഷം ഞങ്ങളെ വിളിക്കും. ഞങ്ങളെല്ലാവരും കൈയ്യിൽ വെളിച്ചെണ്ണ പുരട്ടിയതിനു ശേഷം ഓരോ തുണ്ടമായെടുത്ത് ചുള പറിച്ച് ചകിണിയും കരുവും നീക്കി തീറ്റ തുടങ്ങും’ വയർ നിറഞ്ഞതിനു ശേഷമേ എണീ ക്കൂ, പ്രായം കുറഞ്ഞ ആളുകളാണ് കൂടുതൽ തുണ്ടം കാലിയാക്കുക.തീറ്റ കഴിഞ്ഞാൽ വീണ്ടും കൈയിൽ എണ്ണ പുരട്ടി ഇപ്പോൾ നമ്മളെല്ലാം കൈ കഴുകുന്ന മെത്തേഡിൽ കൈ കഴുകി സ്ഥലം വിടും. അമ്മ തുണ്ടം ചെറുതായി അരിഞ്ഞ് പുല്ലൊട്ടിയിൽ പശുക്കൾക്കിട്ടു കൊടുക്കും.ചുക്കും അയമോദകവും വേപ്പിലയും കൂട്ടി അരച്ച് മോരിൽ കലക്കി സന്ധ്യക്ക് എല്ലാവരും കുടിക്കണം’ദ ഹനക്കേട് ഉണ്ടാകാതിരിക്കാനാണത്രേ. പത്തായപ്പുരയുടെ അവിടെ ഇരുന്ന് പണിക്കാരും പണി മാറ്റിയതിനു ശേഷം ചക്ക തിന്നാണ്ട്. ചക്ക വെട്ടി തുണ്ടമാക്കാം ന്നത് ക്കൽ ചുള പറച്ചു തിന്നുന്നത് വരെ കണ്ടിരിരിക്കാൻ നല്ല രസമാണ്. വട് ക്വോർത്തേൻ്റെ ചക്കയ്ക്കാണ് സ്വാദു കൂടുതൽ ‘ അതിൻ്റെ ചക്ക പണിക്കാർക്ക് കൊടുക്കാറില്ല. ആ വട്ക്കോർത്തേൻ്റെ താഴ്ത്ത്നിക്കണ ചക്ക പഴുത്തു തോന്ന്ണ് ണ്ട്, ഇപ്പത്തന്നെ ഇ ട്വാ ഭേദം – ” ഉപ്പേരി നുറുക്കി വെച്ച് പോകുമ്പോൾ വലിയ അമ്മ ശങ്കരേശ നോടായി പറഞ്ഞു – റാൻ എന്ന് മൂളി അയ്യപ്പനോടായി – അയ്യപ്പ ഒരു ചക്കട്. എന്ന് ഓർഡർ കൊടുത്തു. അയ്യപ്പൻ കുളക പ്ലാവിൻ്റെ ചക്കയാണിട്ടത്. വൈകുന്നേരം വട്ക്കോർത്തേൻ്റെ ചക്ക കാണാനില്ല. അന്വേഷണമായി. നോക്കുമ്പോൾ ഗോ പ്യാരും, കൂളക്കുടുക്കയും കുടി ആ പഴുത്ത ചക്ക കടിച്ചുപറിച്ച് ഒറ്റയിരിപ്പിൽത്തന്നെ തിന്നതായി കണ്ടു.അന്ന് വൈകുന്നേരം തന്നെ ശങ്കരേശന് വലിയ അമ്മയുടെ ശകാരം കേട്ടു .അയ്യപ്പന്ന് ശങ്കരേശൻ്റേയും .

ഭാഗം 19

മേനാ ത്തെ ശങ്കരൻ, ശങ്കരൈശൻ, രാമൻ നായർ തുടങ്ങിയവർക്ക് ഞങ്ങളുടെ ഊണുകഴിഞ്ഞാൽ എടാഴിയിൽ വെച്ചാണ് ചോറു കൊടുക്കാറ്. ഇല്ലത്തെ കാളൻ കൂട്ടി ഊണുകഴിക്കാൻ മേനാ ത്തെ ശങ്കരനു് വല്ല്യ മോഹാ ത്രൊ. മിക്കവാറും എല്ലാ സദ്യക്കും വരും’ അയ്യപ്പനും, ചാത്തപ്പനും കെഴുക്വോർത്തെ എറേത്ത് വെച്ചാണ് ചോറ് കൊടുക്കുക. അവസാനം ഇരിക്കണമ്മമാർക്ക്.. കെ ഴ്ക്കിനിയിൽ.വിഷു സമയത്ത് ലക്ഷ്മിയുടെ ഊഴമാണെങ്കിലും ഉച്ചയ്ക്കുണ്ണാൻ പറങ്ങോടത്തെ പാറോതിയും, തള്ളപ്പെണ്ണം ഉണ്ടാകും. വിഷു കഴിഞ്ഞ് അധികം താമസമുണ്ടായില്ല.ലക്ഷ്മി മരിച്ചൂന്ന് വിവരം കിട്ടി. കൊന്നതാത്രെ.പോക്കിക്കൊന്നതാത്രെ. പിന്നെ കിഴക്കെ കള്ള്യാത്ത്ന്ന് കല്യാണി വരാൻ തുടങ്ങി, കല്യാണി പശുവിനെ കറക്കാൻ എക്സ്പർട്ടാണ് .ഒരു കണ്ണേ കാണുള്ളൂ’, ഭർത്താവ് വേലു വിൻ്റെ കൈ പിശകു മൂലമാണെന്നും, പുല്ലരിയുമ്പോൾ കണ്ണിൽ കൊണ്ടതാണെന്നും രണ്ടു പക്ഷമുണ്ട്. ഏതായാലും ആർക്കും ആക്ഷേപമൊന്നുമില്ലാത്തതു കൊണ്ട് സാരമില്ലാതെ പോയി. അക്കാലത്ത് മുടവന്നുരി ൽ മോണിംഗ് വാക്ക് എടുക്കുന്ന രണ്ടു പേരിൽ ഒരാൾ വേലു വായിരുന്നു.കാക്കി ട്രൗസറും ബനിയന്നും ‘കോയമ്പത്തൂര് ഏതോ ഹോട്ടലുപണിയുണ്ടത്രേ.

വേലുവിൻ്റെ കൂടയുണ്ടായിരുന്ന ഒരു എഴുത്തശ്ശനാണ് ഇല്ലത്ത് ആദ്യമായി റേഡിയോ കൊണ്ട് വന്ന് പാടിപ്പിച്ചത്. ഒരു ദിവസം സന്ധ്യക്ക് പൂമുഖത്തെപടിയിന്മേൽ റേഡിയോ ഓണാക്കി വെച്ചു പോയി: സിനിമാ പാട്ടും നാടകവുമെല്ലാം ഉണ്ടായിരുന്നു” അച്ഛൻ്റെ അമ്മാത്ത്ന്നും, കപ്ലിങ്ങാട്ട്ന്നും റേഡിയോ കേൾക്കാറുണ്ട്. ഇല്ലത്ത് സ്ഥിരമായി ഒരു റേഡിയോ ഉണ്ടാകാൻ ഇന്ദിരോപ്പോളുടെ കൊടുക്ക കഴിഞ്ഞ് 1 കൊല്ലം കൂടി വേണ്ടിവന്നു. ബുഷ് രണ്ടു ബാൻ്റ് ട്രാൻസിസ്റ്റർ ‘ഏട്ടൻ്റെ വക സമ്മാനം, ഞങ്ങൾ കുട്ടികൾക്കും, എല്ലാവർക്കും വളരെ സന്തോഷമായി ‘1958ൽ മാധപ്പൻ്റെയും, പരശരപ്പൻ്റെയും വേളി യും കുടിവെപ്പും രണ്ടു ദിവസങ്ങളിലായാണ് നടന്നത്. അന്നു് പെട്രോമാക്സ് വിളക്കായിരുന്നു. റോഡു സൗകര്യമുണ്ടായിരുന്നില്ല. മിക്കവാറും ഇല്ലങ്ങൾ ഇതുപോലുള്ള പ്രദേശങ്ങളിൽ തന്നെയായിരിക്കും.

അന്ന് കൃഷ്ണപ്പൻ്റെ പാട്ടുപെട്ടി പത്തായപ്പുരയുടെ അവിടെ വെച്ച് പാടിച്ചിരുന്നു. വലിയ കോളാമ്പി യുണ്ടായിരുന്ന തിനാൽ നല്ല ശബ്ദത്തിൽ എല്ലാവർക്കും പാട്ടാസ്വദിക്കാനും കഴിഞ്ഞു

ഭാഗം 18

പഴയ ആചാരാനുഷ്ഠാനങ്ങൾ: ഒരു കാലത്തീ പ്രദേശത്ത് ശക്തമായി നിലനിന്നിരുന്നു.കാല ക്രമേണ പലതും ഇല്ലാതായി – ഉദാഹരണത്തിനു് വിഷുതന്നെ എടുക്കാം. ഇന്നു നമ്മൾ മനുഷ്യരിൽ മാത്രം ഒതുങ്ങി നിൽക്കുന്ന ഒരാഘോഷമാണ് വിഷു, നമ്മോടൊപ്പം പ്രകൃതിയും മൃഗങ്ങളും ഇതിൽ പങ്കുകൊണ്ടിരുന്നു. മേടം ഒന്നിന് മുമ്പൊക്കെ അമ്പലത്തിലാണ് വിഷുക്കണി ഒരുക്കാറ്.തലേന്ന് രാത്രി കിടപ്പ് അമ്പലത്തിൽ രാവിലെ 4 മണിക്ക് ഷ്ണാ – ഷ്ണോ – ഷ്ണാ -ഷ്ണോ നീയ്ക്ക്യാ – കണി കാ ണ്വാ – പടക്കം പൊട്ടി ക്ക്വാഷ്ണാ – ഷ്ണോ കഞ്ചുറ്യേമoത്തിൻ്റെ വിളി കേട്ടാണ് ഉണരുക. അമ്പലത്തിലെ കണികണ്ട് നേരെ ഇല്ലത്തേക്ക്.അച്ഛൻ വിളക്കു കൊളുത്തിക്കഴിഞ്ഞാൽ ഓരോരുത്തരായി എണീറ്റ് തൊഴുത് പോകും. ഞങ്ങൾ കുട്ടികൾ പടക്കം പൊട്ടിക്കാൻ പൂമോത്തയ്ക്ക് അമ്മമാർ അടുക്കളയിലേക്കും ‘നേരം വെളിച്ചായാൽ വീണ്ടുമമ്പലത്തിൽ പോകും. കഞ്ഞി, തേങ്ങ ചിരകിയത്, ചക്കക്കൂട്ടാൻ രാവിലത്തെ ഭക്ഷണം – ‘ശങ്കരേശനും, അയ്യപ്പനും രാവിലെ വന്ന് കുറച്ചു പടക്കവുമെടുത്ത് പാടത്തേക്കു പോകാം.” ചാലുകീറൽ ചടങ്ങ് ” പ്രകൃതി പൂജയാണ് ഈ ചാലുകീറലിലൂടെ നടന്നു വന്നിരുന്നത് – അതുപോലെ നാൽക്കാലി പൂജ – എല്ലാ കൊല്ലവും മേടം 1 ന് ഒലിയത്തു വെച്ചു നടക്കുന്ന ഒരു ചടങ്ങാണത്. പത്തു മൈൽ ചുറ്റളവിലുള്ള കന്നുകാലികൾക്കുള്ള പൂജയാണ്. വിഷുത്തലേന്ന് മനക്കലെ വല്ല്യമ്പ് രാൻ്റെ സമ്മതം വാങ്ങിയാണ് ചടങ്ങ് നടത്താറുള്ളത്.കരിമ്പനപ്പട്ട കൊണ്ടുണ്ടാക്കിയ യന്ത്രത്തിൽ സ്ഥലത്തെ ചോപ്പനാർ (മണ്ണാൻ രാമൻ ) എടുത്താണി കൊണ്ട് മന്ത്രം എടുതണം. മേടം ഒന്നാന്തിപുതുവർഷ പുലരിയിൽ ഒലിയത്തെ തോട്ടിൽ കുളിപ്പിച്ച മല്ലൻ കുണ്ടിനടുത്ത് വരിവരിയായി നിർത്തും. മല്ലൻ കുണ്ടിൽ തേങ്ങ മുട്ടിയതിനു ശേഷം ചെറുമക്കളിലെ മൂപ്പൻ കന്നുകാലികൾക്കോ രോന്നിനായി യന്ത്രം കെട്ടിയ്ക്കും, ഈ അനുഷ്ഠാന കർമ്മവും ഇപ്പോഴില്ല.
വിഷുകൈനീട്ടത്തിനും, വിഷു സദ്യ ഉണ്ണാനുമായി ധാരാളം ആളുകൾ മനക്കലെത്തും. മേനാ ത്തെ ശങ്കരൻ

ഭാഗം 17

ഭഗവതിപ്പാട്ട്, ഊഞ്ഞാലാട്ടം, തിരുവാതിരക്കളി എന്നിവക്കു പുറമെ ശാസ്ത്രീയ സംഗീതം, നൃത്തം തുടങ്ങിയവ അഭ്യസിപ്പിക്കുന്ന ഒരു ക്ലാസ്സുമുറിയായും കുറച്ചു നാൾ നമ്മുടെ പടിഞ്ഞാറ്റ ഉപയോഗപ്പെടുത്തിയിരുന്നു. ഇന്ദിരോപ്പോൾ ഒമ്പതാം ക്ലാസിൽ പഠിക്കുന്ന കാലം. മുൻ കൊല്ലങ്ങളെ പോലെ അക്കൊല്ലവും സ്കൂൾ ആ നിവേഴ്സറിക്ക് പരിപാടിക്കു ചേരണം, ഇക്കൊല്ലം കഴിഞ്ഞാൽ പിന്നെ പത്താം ക്ലാസാണ് ‘ഈ പരിപാടിയൊന്നും നടക്കില്ല. അതിനാൽ കുറച്ചു കൂടി നല്ല രീതിയിൽ പഠിച്ച് അവതരിപ്പിക്കണം. ( നോക്കണേ മത്സരബുദ്ധി അന്നു തന്നെ ഉണ്ട് ) ഡാൻസും, പാട്ടും പഠിപ്പിക്കുന്ന ഒരു രാമൻ നായർ മാസ്റ്റരെ കൊണ്ടുവന്ന് ക്ലാസു തുടങ്ങി. മoത്തികന്നത്തെ ഭാരതിയും, ജോത്സ്യൻ കുട്ടൻ നായരുടെ അവിടത്തെ ഒരു കൂട്ടിയും കൂടെ പഠിക്കാനുണ്ട്.ശനിയും ഞായറും ആണ് ക്ലാസ്സു്. പഠന സമയത്ത് ഞങ്ങൾ കുട്ടികൾക്കങ്ങോട്ടു പ്രവേശനമില്ല. ഒരിക്കൽ ക്ലാസു സമയത്ത് ഞങ്ങൾ മൂന്നു പേരും കിഴക്കെ ഇറയത്ത് വെച്ച് അടിപിടി കുടി ബഹളം വെക്കയായിരുന്നു. പൂമുഖത്തു നിന്നു് അച്ഛൻ ഓടി വന്ന് ഞങ്ങളെ ബലമായി പിടിച്ചു കൊണ്ടുപോയി എടാഴിയുടെ മുക്കിലിരുത്തി ‘”ഇനി ഇവടന്നു് അനങ്ങീട്ടുണ്ടെങ്കിൽ അപ്പളേ ള്ളൂ”ണ്ണീയ്ക്കാറായാൽ ഞാൻ പറയാം.” വളരെ ഉച്ചത്തിലാണു പറച്ചിൽ; ഗൗരവഭാവത്തോടെ പൂമുഖത്തേക്കു തന്നെ പോയി. പാട്ട് പഠിപ്പിക്കുന്നത് കാണാനൊത്തില്ലെങ്കിലും കേൾക്കാൻ കഴിഞ്ഞു. ഞങ്ങൾ വിഷമിച്ചിരിക്കുന്നത് എടാഴി വാതിലിൻ്റെ തുളയിലൂടെ വലിയ അമ്മ കാണുന്നുണ്ടായിരുന്നു. പാട്ടു കഴിഞ്ഞപ്പോൾ അച്ഛൻ വന്നു “നി എണീക്കാം ചിരിച്ചു കൊണ്ടാണ് അനുവാദം തന്നത് ‘വലിയ അമ്മക്ക് ഞങ്ങളോടു സഹതാപം തോന്നിയിട്ടാണോ എന്നറിയില്ല.- പിറ്റേന്നു മുതൽ കെ ഴ്ക്കിനിയുടെ തെക്കെ അറ്റത്തിരുന്ന് അഴികൾക്കിടയിലൂടെ നോക്കാൻ അനുവാദം തന്നു. ശബ്ദിക്കാനോ വികൃതി അടിക്കാനോ പാടില്ലെന്ന ഒരു പദേശവും, നിർത്തി നിർത്തി പാടൂ ” എന്ന് നെടുമുടി വേണു ഏതോ ഒരു സിനിമയിൽ പറയുന്ന രംഗം കണ്ടപ്പോൾ പടിഞ്ഞാറ്റയിലെ പാട്ടു ക്ലാസ് ഓർമ്മ വന്നു.
അക്കൊല്ലം സ്കൂൾ ആ നിവേഴ്സറിക്ക് മുത്തശ്ശിമാരും, ഞങ്ങളും പോയിരുന്നു. വലിയ സ്വീകരണമാണു് കിട്ടിയത്.പൊതുയോഗത്തിൽ സ്വാഗത പ്രസംഗം അച്ഛനായിരുന്നു. രംഗപൂജക്ക് ഇന്ദിരോ പ്പോളും സംഘവും ,ലളിതഗാനം, ശാസ്ത്രീയ സംഗീതം – എല്ലാം കഴിഞ്ഞ് കുട്ടികളുടെ നാടകം. അച്ഛനായിരുന്നു ഡയറക്ഷൻ’. ആ പരിപാടി കഴിഞ്ഞതോടെ ക്ലാസ്സു നിർത്തി.ക്ലാസു മേലേപ്പാട്ടേക്കു മാറ്റി. ഇന്ദിരോപ്പോൾ ക്ക് വീണ്ടും പഠിക്കാൻ മോഹമുണ്ടായിരുന്നു. അച്ഛൻ സമ്മതിച്ചില്ല. അടുത്ത കൊല്ലം പത്താം ക്ലാസായി.
ഒരു ദിവസം ഇന്ദി രോപ്പോൾ ക്ക് വടക്കെ വേലിയ്ക്കൽ പോയി ആരും അറിയാതെ ഡാൻസും ക്ലാസ് കാണണം.എന്നോട് തുണയ്ക്കു വരാൻ പറഞ്ഞു. വേലിയ്ക്കലെത്തുന്നതിനു മുമ്പുതന്നെ ഇന്ദിരോപ്പോ ളു ടെ കാലിൽ കുപ്പിച്ചില്ല്കുത്തിക്കയറി’ ഞാൻ ഉറക്കെ തള്ളപ്പെണ്ണിനെ വിളിച്ചു. കഴുകി തെങ്ങിൻ്റെ മൊരി മുറിവിൽ വെച്ച് തുണികൊണ്ടു കെട്ടി. അങ്ങിനെ പാട്ടു പഠിക്കാനും, നൃത്തം ചെയ്യാനുമുള്ള മോഹം തൽക്കാലം അവസാനിപ്പിച്ചു

ഭാഗം 16

ഇല്ലത്തെ അന്നത്തെ അട് ക്കള അത്യാവശ്യം വലിപ്പമുള്ളതായിരുന്നു. വല്ല പിറന്നാളോ മറ്റോ ഉണ്ടാകുമ്പോൾ സദ്യയൊരുക്കാൻ ബുദ്ധിമുട്ടുണ്ടായിരുന്നില്ല, മൂന്ന് കുഴിയടുപ്പും ഒരു ഇഷ്ടികയടുപ്പും -ആട്ടുകല്ല് അഴിയ കത്തും, അമ്മി കെ ഴ്ക്ക്വോർത്തും സ്ഥിരമായി സ്ഥാപിച്ചതാണ്. അടുക്കളയുടെ വടക്കുവശത്ത് കരിങ്കൽ കൊട്ടത്തളം’ തുടിയിൽ ചുറ്റിയ കയറിൽ ബക്കറ്റുകെട്ടിയാണ് വെള്ളം കോരുന്നത്. രാവിലെ അമ്മ വെള്ളം കോരുന്ന ശബ്ദം കേട്ടാണ് അടുത്ത വീട്ടിലുള്ളവർ സമയം കണക്കാക്കുന്നത്, അടുക്കളയുടെ മു ക ൾ ഭാഗം അട്ടമാണ്.പൊളിച്ച വിറക് സൂക്ഷിക്കാനുള്ള സ്ഥലം ‘മരക്കോണി വെച്ചാണ് അട്ടത്തേക്ക് കയറുന്നത്. ഒളിച്ചുകളിക്കുമ്പോൾ വലിയ കുട്ടികൾ അട്ടത്ത് കയറി ഒളിക്കാറ്ണ്ട്. അടുക്കളയുടെ വടക്ക് പടിഞ്ഞാറു ഭാഗത്തായി കൂട്.( സ്റ്റോർ റൂം) മരത്തിൻ്റെ കൂട് മുകളിലും താഴെയുമയി തട്ട് തിരിച്ചിട്ടുണ്ട്.മുകൾ പുറം ഭാഗം മണ്ണു കൊണ്ട് പൊതിഞ്ഞ് മെഴുകി നിലം പോലെ. അങ്ങാടി സാമാനങ്ങളെല്ലാം പാനി, കലം, ടിന്ന് തുടങ്ങിയവയിൽ നിറച്ച് കൂടി നുള്ളിൽ വെച്ച് വാതിലടക്കാം ”നിത്യോപയോഗ പാത്രങ്ങളെല്ലാം കഴുകി കൂടി നു മുകളിൽ കമഴ്ത്തി വെയ്ക്കും’ അന്നു് അടുക്കളയിൽ ഇരുന്നു പണിയെടുക്കുവാൻ സൗകര്യം ഉണ്ടായിരുന്നില്ല. കുമ്പിട്ടു നിന്നു വേണം;

മുത്തശ്ശിമാരും മുത്തുമുത്തശ്ശിമാരും മുതൽ തുടങ്ങിയതാണ്. ഒരിക്കൽ അച്ഛൻ്റെ പിറന്നാൾ സമയത്ത് വടക്കേടത്തെ അച്ഛുതേട്ടൻ്റ ഒരു കമൻ്റ്. ” ങ്ങനെ ആയാ പറ്റില്ല്യ. ആലുവ അടുപ്പു് വെക്കണം ഇല്ലങ്കിൽ കൂന്ന് കൂന്നു് നടക്കാറാവും – ന്നാ അതൊന്നു് അമ്മാമനോട് പറയൂ.ഏയ് ഞാൻ പറഞ്ഞൂന്നേള്ളൂ. അച്ഛനെ എല്ലാ മരുമക്കൾക്കും പേടിയും, ബഹു മാനവും ഉള്ള കൂട്ടത്തിലാണു്

ഭാഗം 15

ഒരു ദിവസം ഞങ്ങൾ മിററത്ത് കളിച്ചു കൊണ്ടിരിക്കുമ്പോൾ പടികടന്ന് ആരൊക്കെയോ വരുന്ന കണ്ടു. ഞങ്ങൾ കളി നിർത്തി അകത്തേക്കോടി – അച്ഛനും, മാധ പ്ഫനും, നാരായണപ്പനും പൂമുഖത്തുണ്ട്. നല്ല തൂവെള്ള ഷർട്ടും മുണ്ടുമുടുത്ത ഒരാളും – കൊമ്പൻ മീശമേ ലോട്ട് പിരിച്ചു വെച്ച വരയൻ ബനിയനി ട്ട വേറൊരാളും ആദ്യം പറഞ്ഞ ആളെ ആദരിച്ചുകസാലയിലിരുത്തി ” മീശക്കാരൻ കോലായിൽ നിന്നതേ ഉളളൂ; അരിക്കത്തെ കാടുവിലക്കു വാങ്ങിയ ജോസഫും, സഹായി ജോജ്ജ് മേസ്ത്രിയും ആണത്രേ, അവർക്ക് താമിയെ കൂടി വേണം. അയ്യപ്പൻ്റ അച്ഛനാണ് താമി – കാ ട്വോക്കാരൻ താമി എന്നു പറഞ്ഞാലേ എല്ലാ വർക്കും മനസ്സിലാകൂ – അവൻ്റെ സമ്മതമാണ് നോക്കണ്ടത്, എങ്ങന്യായാലും എനിക്ക് വിരോധമില്ലെന്ന് അച്ഛൻ പറഞ്ഞു. പടപ്പുറത്തു കാത്തു നിക്കുന്ന താമിയെ മീശക്കാരൻ വിളിച്ചു കൊണ്ടുവന്നു ° “ത മ്പ്രാൻ മാര്പറേണ പോലെ ചെജ്ജാ “. അച്ഛൻ സമ്മതം കൊടുത്തു. നസ്രാണി ടെ കീഴിൽ പണിയെടുക്കാൻ നല്ല മടിയുണ്ടായിരുന്നു ന്ന് പിന്നീട് അയ്യപ്പനാണ് പറഞ്ഞത്. നമ്മുടെ ഇല്ലം ആദ്യം ആ കാട് നിൽക്കുന്ന സ്ഥലത്താണത്രെ ഉണ്ടായിരുന്നത്. മുടവന്നൂരിലെ തേവർ സ്വയംഭൂ ആയപ്പോൾ അമ്പലം പണിത് അതിനടുത്തേക്ക് ഇല്ലം മാറ്റി സ്ഥാപിച്ചതാണെന്നാണ് പഴമക്കാർ പറയുന്നത്‌. അരിക്കത്തക്കാട്ടിൽ (ജോസഫിനു കൊടുത്ത സ്ഥലം) ഇപ്പോഴും ഒരു വലിയ മന ഉണ്ടായിരുന്നുവെന്നതിൻ്റെ തെളിവുകൾ കാണുന്നുണ്ട്. കൊട്ടത്തളം അടുക്കളകിണർ’ പഴയ ഓവുകൾ’ പുരത്തറ – നാലുകെട്ടടക്കമുള്ള വിസ്താരത്തിൽ ജോസഫ് മരങ്ങളെല്ലാം വെട്ടി റബ്ബർ കൃഷി തുടങ്ങി.കാടായി നിന്നിരുന്ന സമയത്ത് നരിയ ട ക്കമുള്ള മൃഗങ്ങൾ താമസിച്ചിരുന്നു. ഒരിക്കൽ സന്ധ്യക്ക് നാ രണപ്പൻ ഇവിടെ നിന്നു പോകുമ്പോൾ ഇടവഴിയുടെ വളവിൽ വെച്ച് പുലിനേർക്കു ചാടി നിലവിളിക്കയും രാമ ഷാരോടി കൂക്കി ആളെ കൂട്ടി ടിന്നിൽ കൊട്ടി പുലിയെ ഓടിച്ചതും ഇന്നും ഓർമ്മയിലുണ്ട്, അന്ന് ഇല്ലത്തെ വെള്ളു നരിയുടെ പിന്നാലെ ഓടിപ്പോയി തിരിച്ചു വന്നില്ല്യ, – പിറ്റേന്ന് വാലില്ലാതെ വന്നു’ .നരിയുടെ വായിൽ നിന്നു രക്ഷപ്പെട്ടതാണ്,

ഒരു ശല്യം പോയപ്പോൾ വേറൊരു ശല്യം എന്നു പറഞ്ഞ പോലെ – ഇപ്പോൾ പാറ്റാട വലിയ ഒരു ശല്യമായി മാറിയിരിക്കുന്നു. ഒരു തെങ്ങിൻ്റ് മോളിലും തേങ്ങയുണ്ടാകില്ല. എള നീരാ കുമ്പഴേക്കും പാറ്റാടതിന്നു പോകും. ഈ പാറ്റാട എപ്പഴാ വര്യാ – ഞങ്ങൾക്കതിനെ കാണാൻ പറ്റിയിട്ടില്ല. ശങ്കരേശ നോടാണ് ചോദിച്ചത് – മറുപടി പറഞ്ഞത് അവിടെയുണ്ടായിരുന്ന കുട്ട്യാപ്പയാണ്. ഇന്ന് വൈകന്നേരം തമ്പ്ര മ്മാർക്ക് പാറ്റാടേനെ കാണിച്ചു തരാം.. സന്ധ്യക്ക് ഞങ്ങളെല്ലാം മുറ്റത്ത് കാത്ത് നിന്നും അമ്പലപ്പറമ്പിൽ നിന്ന് ആളുകൾ കൂക്കിവിളിക്കുന്ന ശബ്ദം.ആകാശത്തൂടെ ഒരു പൂച്ച പറന്നു വന്ന് പടിഞ്ഞാറെ പനയിന്മേൽ ഇരുപ്പുറപ്പിച്ചു’കട്ട്യാപ്പയും സംഘവും. പടി കടന്ന് വന്ന് പനയിൽ കയറി ആജന്തുവിനെ അടിച്ച് താഴേക്കിട്ടു, അതായിരുന്നു പാറാട; കണ്ടാൽ ഒരു പൂച്ച.നീണ്ട വാലിനു പുറമെ ഒട്ടിക്കിടക്കുന്ന രണ്ടു ചിറകുകൾ ‘കുട്ട്യാപ്പയുടെ നേതൃത്വത്തിൽ പാറ്റാടനായാട്ട് ഇടക്കിടക്കുണ്ടാവാറുണ്ട്…….